Biyano na mituna na bino

◼ Ebongi mpenza mosakoli atya adrɛsi E-mail na ye na mikanda oyo azali kokabolela bato?

Basakoli mosusu batyaka adrɛsi E-mail na bango oyo bakomá na kashɛ to na eteni ya papye, na bazulunalo to batrakte oyo bazali kokabolela bato. Na ndenge yango, bato oyo bazali kozwa mikanda yango bakoki kokomela bango mpo na koyeba makambo mosusu. Bandeko oyo basalaka bongo, balukaka kosalisa bato oyo basepelaka na nsango malamu. Nzokande, site Internet ya Batatoli ya Yehova etyami na lokasa ya nsuka ya bazulunalo mpe batrakte nyonso. Na bongo, ekozala malamu te tótyaka adrɛsi E-mail na biso moko.

Mosakoli mokomoko asengeli kotala soki ezali na ntina akomela bato ya teritware na ye makambo oyo bakoki kosala mpo na kokutana na ye, mingimingi ntango azali kozongela bango. Biso nde tosengeli kosalaka makasi tózongela bato oyo basepelaki na nsango malamu, na esika ya kosuka kaka na komonisa bango makambo oyo bakoki kosala mpo na kokutana na biso soki balingi koyeba makambo mingi. Moto akomona mpenza ete tomibanzabanzaka mpo na ye soki tosololi na ye wana tozali kotalana na ye na miso.