Makambo oyo tosengeli kobosana te mpo na Ekaniseli

Ntango bankulutu bazali kobongisa Ekaniseli, basengeli kotalela malamumalamu makambo oyo elandi:

◼ Bóbosana te ete limpa ná vinyo esengeli koleka te liboso moi elala.

◼ Limpa mpe vinyo oyo ekosalelama esengeli kozala oyo ebongi mpe esengeli kobongisama liboso.​—Talá Linɔ́ngi ya Mosɛnzɛli ya 15 Febwali 2003, nkasa 14-15.

◼ Basaani, bakɔpɔ, mesa ya malamu mpe elamba ya mesa, esengeli kobongisama malamu mpe kotyama libela na esika oyo Ekaniseli ekosalema.

◼ Ndako ya Bokonzi to esika mosusu oyo molulu yango ekosalema esengeli kopɛtolama malamu liboso.

◼ Bosengeli kopona liboso mpenza bandeko oyo bakoyamba bato mpe baoyo bakotambwisa limpa ná vinyo mpe koyebisa bango mokumba na bango mpe lolenge ya kokokisa yango malamu; bosengeli mpe koyebisa bango bálata malamu mpe bákata nsuki malamu.

◼ Bosengeli kozwa bibongiseli mpo na komema limpa ná vinyo epai ya ndeko nyonso mopakolami oyo azali na bokɔnɔ, mpe azali na makoki ya koyangana te.

◼ Soki masangá mingi ekosalela Ndako ya Bokonzi moko, basengeli koyokana malamu mpo na kosala ete bato bátondana te na porte, na balabala, mpe na bisika ya kotɛlɛmisa mituka.

◼ Soki Ekaniseli ekosalema epai mosusu, bóluka bikoliseli lolaka ya malamu mpo bayangani nyonso báyoka molobi malamu.