Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Mai

“Makama lokola koningana ya mabelé, mpela, mpe mipɛpɛ makasi ekómi mingi; yango wana, bato mosusu bakómi komituna soki ezali etumbu ya Nzambe. Yo okanisi nini? [Tiká ye apesa eyano. Na nsima, tángá 1 Yoane 4:8.] Lisolo oyo emonisi ete Nzambe te nde abimisaka bampasi oyo eutaka na makama lokola koningana ya mabelé, mpela, mpe mipɛpɛ makasi.” Lakisá lisolo oyo ezali na lokasa 30.

Lamuká! Mai

Tángá Matai 6:10. Na nsima, tuná moto boye: “Omituná naino te soki mokano ya Nzambe ezali nini mpo na mabelé? [Tiká ye apesa eyano.] Biblia emonisi ete banda ebandeli, Nzambe azalaki na mokano moko mpo na mabelé mpe mokano yango ebongwaná te. Lisolo oyo elimboli yango.” Lakisá lisolo oyo ebandi na lokasa 10.

Linɔ́ngi ya Mosɛnzɛli 1 Yuni

“Lisolo ya Noa mpe Mpela ezali moko ya masolo ya Biblia oyo eyebani mingi. Okanisi ete Mpela yango esalemaki mpenza? [Tiká ye apesa eyano.] Likambo ya esengo, Yesu alobaki ete Mpela esalemaki mpenza. [Tángá Luka 17:26, 27.] Zulunalo oyo elobeli makambo oyo emonisi mpenza ete Mpela esalemaki mpe elimboli mateya ya ntina mingi oyo tokoki kozwa na lisolo yango.”

Lamuká! Yuni

“Kobɔkɔla bana ezali likambo ya pɛtɛɛ te, mingimingi ntango mwana akómi elenge mpe akómi komona makambo mingi ya sika na nzoto na ye. Mpo na yo, epai wapi baboti bakoki kozwa toli ya malamu? [Tiká ye apesa eyano. Na nsima, tángá Yisaya 48:17, 18.] Zulunalo oyo epesi mwa makanisi oyo ebongi mpenza na mikolo na biso, oyo ekoki kosalisa baboti bákokisa mokumba na bango na bwanya mpe na mayele.”