Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Mai

Tángá Matai 24:3. Na nsima lobá boye: “Bato mingi bakanisaka ete motuna oyo etali nsuka ya mabele oyo tofandi. Okanisaka ete mabele oyo ekobebisama? [Tiká ye apesa eyano.] Eyano ya Yesu emonisi ete tosengeli kozela nsuka ya eloko mosusu, kasi nsuka ya mabele te. Lisolo oyo ezali na lokasa 16 elimboli likambo yango.”

Lamuká! Mai

“Bateyi mosusu bateyaka ete soki tosepelisi Nzambe, akopesa biso bozwi. Kasi, mbala mosusu oyebi bato ya malamu oyo bazali babola. Okanisi ete Nzambe alingaka ete tózala na bozwi? [Tiká ye apesa eyano. Na nsima tángá Baebele 13:5.] Lisolo oyo elimboli lolenge oyo Nzambe apambolaka biso.” Lakisá lisolo oyo ebandi na lokasa 12.

Linɔ́ngi ya Mosɛnzɛli 1 Yuni

“Lelo oyo, babuku oyo eteyaka bato ndenge ya kobɔkɔla bana, bolingo, mpe komisepelisa ezali mingi. Osilá kotánga babuku ya ndenge wana mpe omonaka ete esalisaki yo? [Tiká ye apesa eyano.] Bato mingi babosanaka kotánga buku oyo ekoki kopesa bango batoli ya kotyela motema. [Tángá 2 Timote 3:16.] Zulunalo oyo emonisi ntina oyo tokoki kotyela Biblia motema mpe ezali na ndakisa ya batoli ya malamu oyo Biblia epesaka.”

Lamuká! Yuni

“Ndenge oyebi yango, bato mosusu balobaka ete kosopa zemi ezali mabe, nzokande bamosusu balobaka ete ezali mabe te. Okanisi ete Biblia ekoki kosalisa moto azwa ekateli na likambo yango? [Tiká ye apesa eyano. Na nsima, tángá 2 Timote 3:16, 17.] Zulunalo oyo emonisi oyo Biblia elobi na likambo yango.”