Salelá yango na esika obomba yango

Masangá mingi ebombá mikanda ebele ya kala. Mpo na nini te kozwa mikanda yango mpo na kotya yango na bibliotɛkɛ na yo? Eleki malamu kozala na buku na mabɔkɔ na esika ya kotánga yango na ordinatɛrɛ. Ozali koyekola Biblia na moto moko oyo azali kokola malamu? Soki ezali bongo, lendisá ye azwa mikanda yango ya kala mpe abanda kosala bibliotɛkɛ na ye moko. Mokɛngɛli na Eteyelo ya mosala ya Teokrasi asengeli koluka koyeba soki bibliotɛkɛ oyo ezalaka na Ndako ya Bokonzi ezali na mikanda nyonso ya kala oyo lisangá ebombá. Mikanda yango ezali kaka na valɛrɛ. Na esika ete lisangá ebomba mikanda yango, eleki malamu tósalelaka yango!