Ndenge ya kobanda lisolo

Linɔ́ngi ya Mosɛnzɛli 01/12/2015

“Tozali kotala bato na mwa miniti moke mpo na kolongola likanisi moko ya malamu te oyo bato mingi bazalaka na yango mpo na Biblia. Bato mingi bazwaka Biblia na valɛrɛ, kasi bakanisaka ete ezali mpasi koyeba makambo na yango. Okanisaka nini mpo na Biblia? [Tiká ye apesa eyano.] Talá moko ya makambo oyo esengeli kotinda biso tóluka koyeba makambo ya Biblia. [Tángá Baroma 15:4.] Zulunalo oyo elimboli ndenge oyo toyebi ete Biblia ekomamaki mpo tókanga ntina na yango. Epesi mpe mwa makanisi ya kosala yango.”

Lamuká! 12/2015

“Tozali kotala bato na mwa miniti moke mpo na kolobela makambo etali mabota. Moto nyonso alingaka ete kimya mpe boyokani ezala na libota. Okanisi ete mabota esengeli kosala nini: koboya ete matata ebima, to esengeli nde koyekola ndenge ya kosilisa yango na ndenge ya malamu? [Tiká ye apesa eyano.] Talá ndenge lisese oyo ya Biblia elobi. [Tángá Masese 26:20.] Zulunalo oyo emonisi mwa toli oyo ebongi, oyo euti na Biblia, mpo na kosalisa mabota ezala na kimya mpenza.”