Ozwaka Liloba ya Nzambe na motuya mingi mpenza?

Biblia ezali na makanisi mpe maloba ya Yehova Nzambe, oyo akomisaki buku yango mosantu. (2Pe 1:20, 21) Ndenge Biblia elobeli kolongisama ya boyangeli ya Nzambe na nzela ya Bokonzi na ye, epesi bato nyonso elikya ete mosika te bomoi ekokóma malamu mpenza. Biblia emonisi mpe bizaleli malamu oyo Yehova, Tata na biso ya likoló azali na yango.​—Nz 86:15.

Mokomoko na biso azwaka Liloba ya Yehova na motuya mingi mpenza mpo na bantina ekeseni. Kasi, totángaka yango mokolo na mokolo mpe tosalelaka makambo yango na bomoi na biso mpo na komonisa ete tozwaka likabo yango na motuya mingi mpenza? Tiká ete makambo oyo tosalaka emonisa ete tomiyokaka lokola mokomi ya nzembo, oyo alobaki: “Nalingaka mobeko na yo mingi mpenza!”​—Nz 119:97.

TALÁ VIDEO BAZWAKI BIBLIA NA MOTUYA MINGI MPENZA​—VIDEO YA MOKUSE (WILLIAM TYNDALE), MPE NA NSIMA YANOLÁ NA MITUNA OYO:

• 

  Mpo na nini William Tyndale abongolaki mikanda mingi ya Biblia?

• Mpo na nini milende oyo asalaki mpo na kobongola Biblia ezali mpenza kokamwisa?

• Ndenge nini bakopi ya Biblia ya Tyndale ekɔtaki na Angleterre?

• Ndenge nini mokomoko na biso akoki komonisa ete azwaka Liloba ya Nzambe na motuya mingi mpenza?