Kampanye sipesiale mpo na kosakola Bokonzi ya Nzambe na sanza ya 11/2020

Yesu asakolaki “nsango malamu ya bokonzi ya Nzambe.” (Lk 4:43) Ateyaki mpe bato bábondela mpo na Bokonzi yango. (Mt 6:9, 10) Na sanza ya 11/2020, tokosala makasi mpenza mpo na koyebisa bato nsango malamu ya Bokonzi ya Nzambe. (Mt 24:14) Bongisá programɛ na yo mpo omipesa mobimba na kampanye yango. Baoyo bakosepela kosala lokola babongisi-nzela basungi bakoki kopona kosala ngonga 30 to 50 na sanza yango.

Soki likoki ezali, tángelá bato ya teritware na bino vɛrsɛ moko ya Biblia oyo ezali kolobela Bokonzi ya Nzambe. Ntango ozali kopona vɛrsɛ moko oyo okosalela, kobosana te kotalela bindimeli ya bato oyo bazali koyoka yo. Soki moto moko asepeli na bokutani ya liboso, pesá ye Linɔ́ngi ya Mosɛnzɛli ya bato nyonso No. 2 2020. Na yango, koumela te kozongela ye soki likoki ezali, mpe salelá moko ya mikanda oyo ezali na kati ya bisaleli na biso mpo na koteya mpo na kobanda boyekoli ya Biblia. Mosika te Bokonzi ya Nzambe ekobebisa baguvɛrnema nyonso oyo etɛmɛlaka yango. (Da 2:44; 1Ko 15:24, 25) Yango wana, tómipesa mobimba na kampanye oyo ya sipesiale mpo na komonisa ete tozali mpenza sembo epai ya Yehova mpe Bokonzi na ye!