Kobá kosalela bazulunalo

Kobanda 2018, bazulunalo na biso ya bato nyonso ekómaki kolobela kaka lisolo moko na nimero moko. Bazulunalo yango nyonso ezali na kati ya Bisaleli na biso mpo na koteya. Na yango, tokoki kosalela yango na mosala ya kosakola. Ntango tokei mobembo to tokei kosomba biloko tokoki mpe komema bazulunalo yango. Bazulunalo yango esalemá te mpo na koyekola na yango bato Biblia, kasi ekoki kolamwisa mposa ya moto na makambo ya elimo.

Nsima ya kobanda lisolo na moto, tángelá ye vɛrsɛ moko ya Biblia, mpe lobelá lisolo moko oyo ezali na zulunalo yango oyo ekoki kosepelisa moto yango. Na ndakisa, soki okutani na moto oyo azali kobɔkɔla bana, to oyo azali na mawa to mpe moto oyo azali na mitungisi, okoki koloba boye: “Natángaki lisolo moko kitoko oyo ezali kolobela likambo yango. Okosepela nalakisa yo yango?” Soki moto yango asepeli, okoki kopesa ye zulunalo yango ya papye to kotindela ye yango na aparɛyi, ata na bokutani ya liboso. Atako kopesa bato mikanda ezali te mokano na biso ya libosoliboso, bazulunalo ekoki kosalisa biso tókutana na bato oyo babongi mpe oyo bakosalela makambo oyo bakoyekola.​—Mis 13:48.

2018

2019

2020