Nzambe ayokaka mabondeli na yo?

BIBLIA ELOBI NINI?

• Nzambe ayokaka. Biblia eyebisi biso ete “Yehova azali pene na baoyo nyonso bazali kobelela ye, na baoyo nyonso babelelaka ye na bosolo. . . . Akoyoka kolela na bango mpo na kosɛnga lisalisi.”​—Nzembo 145:18, 19.

• Nzambe alingi obondela ye. Biblia ezali kosɛnga biso ete: “Na makambo nyonso na libondeli mpe na lilɔmbɔ ná matɔndi, kosɛnga na bino eyebana epai ya Nzambe.”​—Bafilipi 4:6.

• Nzambe atyeleka yo likebi mpenza. Nzambe ayebi malamu mpenza bampasi mpe mitungisi na biso mpe azali na mposa ya kosalisa biso. Biblia elobi: ‘Bóbwakela ye mitungisi na bino nyonso, mpo atyelaka bino likebi.’​—1 Petro 5:7.