Batelá programɛ ya kotánga Biblia mokolo na mokolo

Ozalaka na makambo mingi ya kosala, mpe okómi kobunda mpo na kotánga Liloba ya Nzambe mokolo na mokolo? (Yos. 1:8) Soki bongo, meká kosalela moko ya makanisi oyo elandi:

• Tyá eloko oyo ekobanda kokundwela yo. Tyá alarme na telefone mpo eyebisa yo otánga Biblia.

• Tyá Biblia na esika oyo okomona yango. Soki otángaka na Biblia ya papye, tyá yango na esika oyo okomona yango mbala moko mikolo nyonso.—Mib. 11:18.

• Yokáká audio ya Biblia. Yokáká yango ntango ozali kosala makambo na yo ya mokolo na mokolo. Tara, oyo azali mobongisi-nzela mpe mama ya libota alobi boye: “Koyoka audio ya Biblia ntango nazali kosala misala ya ndako esalisaka ngai nabungisa te momeseno ya kotánga Biblia.”

• Kotika te. Soki makambo oyo ekanami te ebebisi programɛ na yo, tángá ata mwa bavɛrsɛ liboso olala. Kotánga ata mwa moke bongo mokolo na mokolo, ekosalisa yo mingi.—1 Pe. 2:2.