Pesá bango formasyo mpo básalela Yehova ntango nyonso

Emonani ete basakoli ya sika oyo bazwaka formasyo na ebandeli mpenza basakolaka na molende, mpe mbala mingi bakómaka basakoli ya malamu mpenza. (Mas 22:6; Flp 3:16) Talá mwa makanisi etali ndenge okoki kosalisa moyekoli akóma na momesano malamu na mosala ya kosakola:

• Ntango kaka moyekoli na yo andimami lokola mosakoli oyo azwi naino batisimo te, bandá kopesa ye formasyo. (km 8/15 1) Monisá ye ntina ya kotya mosala ya kosakola na programɛ na ye ya pɔsɔ. (Flp 1:10) Zalá na makanisi malamu ntango ozali kolobela bato ya teritware. (Flp 4:8) Lendisá ye asakolaka elongo na mokɛngɛli ya etuluku mpe basakoli mosusu mpo akóma na makoki ya kosakola.​—Mas 1:5; km 10/12 6 par. 3

  

• Nsima ya batisimo ya moyekoli na yo, kotika te kolendisa ye mpe kopesa ye formasyo na mosala ya kosakola, mingimingi soki asilisi naino te koyekola buku “Bolingo ya Nzambe.”​—km 12/13 7

  

• Ntango ozali kosakola elongo na mosakoli ya sika, salelá lisolo moko ya pɛtɛɛ. Soki asilisi lisolo na ye, pesá ye longonya. Pesá ye makanisi oyo ekosalisa ye abongisa yango malamu lisusu.​—km 5/10 7