Bakristo ya solo bayebanaka na bolingo​—Batelá bomoko na biso

MPO NA NINI EZALI NA NTINA: Na butu liboso Yesu akufa, abondelaki ete bayekoli na ye “bázala mpenza na bomoko ya solosolo.” (Yn 17:23) Mpo tókoba kozala na bomoko, tosengeli komonisa bolingo, oyo “ebombaka mabe na motema te.”​—1Ko 13:5.

NDENGE YA KOSALA YANGO:

• Lukáká bizaleli ya malamu oyo basusu bazali na yango ndenge Yehova asalaka

• Limbisáká na motema moko

• Nsima ya kobongisa matata moko, kozongela yango lisusu te.​—Mas 17:9

TALÁ VIDEO “BÓZALA NA BOLINGO NA KATI NA BINO”​—KOBOMBAKA MABE NA MOTEMA TE, MPE NA NSIMA YANOLÁ NA MITUNA OYO:

• Na eteni ya liboso ya video oyo, ndenge nini Helen amonisaki ete azalaki ‘kobomba mabe na motema’?

• Na eteni ya mibale ya video oyo, ndenge nini Helen alongolaki makanisi mabe oyo azalaki na yango mpe akómaki na makanisi malamu?

• Nsukansuka, ndenge nini Helen asalaki ete lisangá ekóma lisusu na bomoko?