Okoki kosakola mpe koteya basusu!

Ntango Yehova apesaki ye mokumba, Moize amonaki ete akokoka te kokokisa yango. (Kob 4:10, 13) Osí omiyoká bongo? Ozali koyekola Biblia na Batatoli ya Yehova? Mbala mosusu ozali komituna soki okokoka kosakola ndako na ndako? To ekoki kozala ete ozali elenge mpe ozali kobanga kopesa litatoli na eteyelo. To mpe mbala mosusu ozali kobanga kopesa litatoli na telefone to kosalela lolenge mosusu ya koteya na bisika ya bato mingi. Bondelá Yehova apesa yo elimo santu. (1Pe 4:11) Zalá na kondima ete akopesa nyonso oyo osengeli na yango mpo na kokokisa mokumba nyonso oyo apesi yo.​—Kob 4:11, 12.

TALÁ VIDEO ZALÁ NA MPIKO . . . MOSAKOLI, MPE NA NSIMA YANOLÁ NA MITUNA OYO:

• Mokakatano nini ndeko mwasi Aoyama akutanaki na yango?

• Nini esalisaki ye azwa makasi mpe mpiko?​—Yir 20:7-9

• Matomba nini azwaki na ndenge amipesaki na mosala ya Yehova?

• Mikakatano nini Yehova akoki kosalisa yo olonga na mosala ya kosakola?