“Bokonzi na yo eya”—Libondeli oyo bato ebele basalaka mbala na mbala
Osí obondelá ete Bokonzi ya Nzambe eya? Banda basiɛklɛ mingi, bamilio ya bato basalaka libondeli oyo “Bokonzi na yo eya.” Mpo na nini basalaka libondeli yango mbala na mbala? Mpo Yesu ayebisaki bayekoli na ye básɛngaka Bokonzi ya Nzambe.
Liboso, bayekoli ya Yesu bayebaki malamumalamu te makambo nyonso oyo etali Bokonzi yango. Mokolo moko batunaki Yesu boye: “Nkolo, ozali kozongisela Yisraele bokonzi na ntango oyo?” Mbala mosusu bakamwaki mpo Yesu ayebisaki bango polele te ntango oyo Bokonzi ya Nzambe ekoya. (Misala 1:6, 7) Atako bongo, tokoki koyeba soki Bokonzi ya Nzambe ezali nini mpe ntango oyo yango ekoya!
Linɔ́ngi ya Mosɛnzɛli oyo ekopesa biyano na mituna oyo:
Mpo na nini tozali na mposa ya Bokonzi ya Nzambe?
Nani azali Mokonzi ya Bokonzi ya Nzambe?
Ntango nini Bokonzi ya Nzambe ekoyangela mabele?
Bokonzi ya Nzambe ekosala makambo nini mpo na bato?
Mpo na nini osengeli koluka liboso Bokonzi ya Nzambe lelo oyo?
Bokonzi ya Nzambe ezali nini?