ເອເຊກຽນ
15 ພະເຢໂຫວາເວົ້າກັບຂ້ອຍອີກວ່າ: 2 “ລູກມະນຸດ ໄມ້ຈາກຕົ້ນໝາກລະແຊັງຈະດີກວ່າໄມ້ຫຼືງ່າຂອງຕົ້ນໄມ້ແນວອື່ນທີ່ຢູ່ໃນປ່າບໍ? 3 ຈະເອົາໄມ້ນັ້ນມາເຮັດເປັນເສົາໄດ້ບໍ? ຫຼືຄົນຈະເອົາມັນໄປເຮັດແນວຫ້ອຍເຄື່ອງບໍ? 4 ມັນຖືກໂຍນລົງໄປໃນໄຟເພື່ອໃຊ້ເປັນຟືນ. ໄຟໄໝ້ມັນທັງສອງສົ້ນຈົນຮອດທາງກາງແລ້ວມັນກໍກາຍເປັນຖ່ານ. ຈະໃຊ້ມັນເຮັດຫຍັງໄດ້ອີກ? 5 ຕອນທີ່ມັນຍັງບໍ່ຖືກໄຟໄໝ້ກໍໃຊ້ເຮັດຫຍັງບໍ່ໄດ້ຢູ່ແລ້ວ ເມື່ອມັນຖືກໄຟໄໝ້ກໍແຮ່ງໃຊ້ເຮັດຫຍັງບໍ່ໄດ້ເລີຍ.”
6 “ຍ້ອນແນວນີ້ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈຶ່ງເວົ້າວ່າ ‘ເຮົາຈະຈັດການຄົນໃນເມືອງເຢຣູຊາເລັມຄືກັບທີ່ເຮົາເອົາໄມ້ຈາກຕົ້ນໝາກລະແຊັງທີ່ຢູ່ໃນປ່າມາເຮັດຟືນ.+ 7 ເຮົາໄດ້ລົງໂທດເຂົາເຈົ້າແລະເຂົາເຈົ້າກໍໜີຈາກໄຟນັ້ນໄດ້ ແຕ່ຈັ່ງໃດໄຟກໍຈະໄໝ້ເຂົາເຈົ້າ. ເມື່ອເຮົາລົງໂທດເຂົາເຈົ້າ ພວກເຈົ້າກໍຈະຮູ້ວ່າເຮົາແມ່ນເຢໂຫວາ.’”+
8 “‘ເຮົາຈະເຮັດໃຫ້ແຜ່ນດິນຂອງເຂົາເຈົ້າຮ້າງເປົ່າ+ຍ້ອນເຂົາເຈົ້າບໍ່ສັດຊື່ຕໍ່ເຮົາ.’+ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າແບບນີ້.”