ຊີວິດຄລິດສະຕຽນ

ຂອບໃຈພະເຈົ້າກັບພະຄລິດສຳລັບອິດສະຫຼະໃນອະນາຄົດ

ເຈົ້າຕ້ອງຮັບມືກັບຫຍັງແດ່ໃນແຕ່ລະມື້? ເຈົ້າເປັນຫົວໜ້າຄອບຄົວທີ່ຕ້ອງຮັບຜິດຊອບຫຼາຍຢ່າງບໍ? ເຈົ້າເປັນພໍ່ຫຼືແມ່ລ້ຽງດ່ຽວທີ່ພະຍາຍາມຢ່າງໜັກເພື່ອເບິ່ງແຍງຄອບຄົວບໍ? ເຈົ້າເປັນໄວລຸ້ນທີ່ຖືກໝູ່ຢູ່ໂຮງຮຽນຂົ່ມເຫງບໍ? ເຈົ້າກຳລັງຮັບມືກັບຄວາມເຈັບປ່ວຍຫຼືບັນຫາຍ້ອນອາຍຸຫຼາຍຂຶ້ນບໍ? ທຸກຄົນມີບັນຫາ. ຄລິດສະຕຽນຫຼາຍຄົນກຳລັງຮັບມືກັບບັນຫາຫຼາຍຢ່າງໃນເວລາດຽວກັນ. ແຕ່ເຮົາຮູ້ວ່າອີກບໍ່ດົນເຮົາຈະເປັນອິດສະຫຼະຈາກບັນຫາເຫຼົ່ານີ້.—2ກຣ 4:16-18

ແຕ່ຕອນນີ້ ເຮົາໄດ້ຮັບກຳລັງໃຈທີ່ຮູ້ວ່າພະເຢໂຫວາເຂົ້າໃຈວ່າເຮົາຕ້ອງຮັບມືກັບຫຍັງແດ່ ເພິ່ນເຫັນຄ່າຄວາມສັດຊື່ແລະຄວາມອົດທົນຂອງເຮົາ ແລະຈະໃຫ້ສິ່ງດີໆຫຼາຍຢ່າງກັບເຮົາ. (ຢເຣ 29:11, 12) ພະເຢຊູກໍສົນໃຈເຮົາແຕ່ລະຄົນຄືກັນ. ເມື່ອເຮົາເຮັດໜ້າທີ່ຂອງຄລິດສະຕຽນຢ່າງຄົບຖ້ວນ ເຮົາກໍໝັ້ນໃຈໃນຄຳເວົ້າຂອງເພິ່ນໄດ້ທີ່ວ່າ: “ຂ້ອຍຈະຢູ່ກັບພວກເຈົ້າ.” (ມທ 28:20) ເມື່ອເຮົາໃຊ້ເວລາຄິດຕຶກຕອງເລື່ອງອິດສະຫຼະໃນອະນາຄົດພາຍໃຕ້ການປົກຄອງຂອງພະເຈົ້າ ຄວາມຫວັງຂອງເຮົາກໍຈະແຈ້ງຂຶ້ນແລະເຮົາຈະຕັ້ງໃຈຫຼາຍຂຶ້ນທີ່ຈະອົດທົນກັບບັນຫາໃນຕອນນີ້.—ຣມ 8:19-21

ເບິ່ງວິດີໂອໃນຂະນະທີ່ພາຍຸໃກ້ເຂົ້າມາ ເຮົາຕ້ອງຈົດຈໍ່ທີ່ພະເຍຊູເທົ່ານັ້ນ!—ສິ່ງດີໆທີ່ເຈົ້າຈະໄດ້ຮັບໃນອະນາຄົດຈາກລາຊະອານາຈັກຂອງພະເຈົ້າ ແລ້ວຕອບຄຳຖາມຕໍ່ໄປນີ້:

ເປັນຫຍັງມະນຸດຈຶ່ງບໍ່ໄດ້ຮັບຊີວິດແບບທີ່ພະເຈົ້າສະເໜີໃຫ້ ແລະຜົນເປັນແນວໃດ?
ຄົນທີ່ສັດຊື່ຕໍ່ພະເຢໂຫວາຈະໄດ້ຮັບຫຍັງໃນອະນາຄົດ?
ອະນາຄົດທີ່ດີເລີດແບບນີ້ຈະເປັນໄປໄດ້ແນວໃດ?
ເຈົ້າຖ້າທີ່ຈະໄດ້ຮັບສິ່ງດີໆຫຍັງແດ່ໃນໂລກໃໝ່?

ຮູບ: ຜູ້ຄົນມີຄວາມສຸກກັບສິ່ງດີໆໃນອຸທິຍານ. 1. ພີ່ນ້ອງຍິງກອດຄົນທີ່ຄືນມາຈາກຕາຍ. 2. ເຂົາເຈົ້າມີຄວາມສຸກກັບອາຫານທີ່ມີຢ່າງອຸດົມສົມບູນໃນໂລກທີ່ສະອາດແລະສະຫງົບສຸກ. — ນຶກພາບວ່າໂຕເອງຢູ່ໃນໂລກໃໝ່