ຊີວິດຄລິດສະຕຽນ
ຕັ້ງຕາຄອຍຖ້າດ້ວຍຄວາມອົດທົນຕໍ່ໆໄປ
ດົນປານໃດແລ້ວທີ່ເຈົ້າຄອຍຖ້າໃຫ້ລາຊະອານາຈັກຂອງພະເຈົ້າມາປົກຄອງ? ເຖິງວ່າຈະເຈິກັບຄວາມຫຍຸ້ງຍາກເຈົ້າຍັງຄອຍຖ້າດ້ວຍຄວາມອົດທົນບໍ? (ໂລມ 8:25) ຄລິດສະຕຽນບາງຄົນເຈິກັບຄວາມກຽດຊັງ ການຂົ່ມເຫງ ຕິດຄຸກ ຫຼືເຖິງຂັ້ນຖືກຂູ່ວ່າຈະຖືກຂ້າ. ສ່ວນຄົນອື່ນໆກໍເຈິກັບຄວາມຫຍຸ້ງຍາກເຊັ່ນ ພະຍາດຊຳເຮື້ອ ຫຼືອາຍຸທີ່ຫຼາຍຂຶ້ນ.
ອັນໃດຈະຊ່ວຍເຮົາໃຫ້ຕັ້ງໃຈຄອຍຖ້າລາຊະອານາຈັກຂອງພະເຈົ້າເມື່ອເຈິຄວາມຫຍຸ້ງຍາກ? ເຮົາຕ້ອງເສີມສ້າງຄວາມເຊື່ອໃຫ້ເຂັ້ມແຂງໂດຍອ່ານຄຳພີໄບເບິນທຸກມື້ແລະຄິດຕຶກຕອງໃນສິ່ງທີ່ອ່ານ ແລະເບິ່ງໄປທີ່ຄວາມຫວັງຢູ່ສະເໝີ. (2 ໂກ. 4:16-18; ເຫບ. 12:2) ເຮົາຕ້ອງຕ້ອງອະທິດຖານຂໍຄວາມຊ່ວຍເຫຼືອຈາກພະເຢໂຫວາແລະຂໍພະລັງບໍລິສຸດຂອງພະອົງ. (ລືກາ 11:10, 13; ເຫບ. 5:7) ພໍ່ທີ່ປ່ຽມດ້ວຍຄວາມຮັກຂອງເຮົາສາມາດຊ່ວຍເຮົາໃຫ້ “ມີຄວາມພຽນແລະຄວາມອົດທົນໄວ້ທຸກຢ່າງ [ຈົນເຖິງທີ່ສຸດ] ດ້ວຍຄວາມຍິນດີ”—ໂກໂລ. 1:11, ລ.ມ.
ເບິ່ງວິດີໂອເຮົາຕ້ອງ “ແລ່ນແຂ່ງດ້ວຍຄວາມມານະອົດທົນ”—ໝັ້ນໃຈວ່າຈະໄດ້ຮັບລາງວັນ ຈາກນັ້ນຕອບຄຳຖາມຕໍ່ໄປນີ້:
“ເຫດການທີ່ບໍ່ຄາດຄິດ” ອັນໃດທີ່ສາມາດເກີດຂຶ້ນໄດ້ໃນຊີວິດຂອງເຮົາ? (ຜູ້ປ. 9:11)
ການອະທິດຖານຊ່ວຍເຮົາແນວໃດເມື່ອເຈິກັບຄວາມຫຍຸ້ງຍາກ?
ຖ້າເຮົາບໍ່ສາມາດຮັບໃຊ້ພະເຢໂຫວາໄດ້ຫຼາຍຄືກັບແຕ່ກ່ອນ ເປັນຫຍັງເຮົາຄວນຄິດເຖິງສິ່ງທີ່ເຮົາຍັງເຮັດໄດ້ໃນຕອນນີ້?
ເບິ່ງໄປທີ່ລາງວັນຢູ່ສະເໝີ
ອັນໃດຊ່ວຍເຈົ້າໃຫ້ຍັງໝັ້ນໃຈວ່າຈະໄດ້ຮັບລາງວັນ?