ຊີວິດຄລິດສະຕຽນ
ຈັດລະບຽບເພື່ອປະກາດກັບທຸກຄົນ
ຄືກັບທີ່ພະເຢໂຫວາຈັດລະບຽບຄົນອິດສະຣາເອນ ເພິ່ນກໍຈັດລະບຽບຄົນຂອງເພິ່ນໃນທຸກມື້ນີ້ເພື່ອເຮັດຕາມຄວາມຕ້ອງການຂອງເພິ່ນ. ຢູ່ທົ່ວໂລກ ສຳນັກງານສາຂາ ໝວດຕ່າງໆ ປະຊາຄົມ ແລະກຸ່ມປະກາດເຮັດວຽກຮ່ວມກັນເພື່ອປະກາດຂ່າວດີ. ເຮົາປະກາດກັບທຸກຄົນ ລວມເຖິງຄົນທີ່ເວົ້າພາສາອື່ນນຳ.—ພນມ 14:6, 7
ເຈົ້າເຄີຍຄິດທີ່ຈະຮຽນພາສາອື່ນເພື່ອຊ່ວຍບາງຄົນໃຫ້ຮຽນຄວາມຈິງບໍ? ເຖິງວ່າເຈົ້າຈະບໍ່ມີເວລາຮຽນພາສາອື່ນ ແຕ່ເຈົ້າກໍສາມາດໃຊ້ແອັບ JW Language ເພື່ອຮຽນວິທີປະກາດແບບງ່າຍໆໄດ້. ເມື່ອໄດ້ໃຊ້ແອັບນີ້ໃນວຽກປະກາດ ເຈົ້າອາດຈະມີຄວາມສຸກຄືກັບພີ່ນ້ອງໃນສະຕະວັດທຳອິດທີ່ໄດ້ເຫັນຜູ້ຄົນຈາກປະເທດອື່ນຮູ້ສຶກງຶດງໍ້ເມື່ອໄດ້ຍິນ “ສິ່ງມະຫັດສະຈັນຕ່າງໆຂອງພະເຈົ້າ” ໃນພາສາຂອງເຂົາເຈົ້າເອງ.—ກຈກ 2:7-11
ເບິ່ງວິດີໂອມາເປັນໝູ່ກັບພະເຢໂຫວານຳກັນ—ປະກາດກັບຄົນທີ່ໃຊ້ພາສາອື່ນ ແລ້ວຕອບຄຳຖາມຕໍ່ໄປນີ້:
ເຈົ້າອາດຈະໃຊ້ແອັບ JW Language ຕອນໃດແດ່?
ແອັບນີ້ມີລັກສະນະເດັ່ນຫຍັງແດ່?
ຄົນຈາກທຸກພາສາຕ້ອງໄດ້ຍິນຂ່າວດີ
ໃນເຂດຂອງເຈົ້າມີຄົນເວົ້າພາສາຫຍັງແດ່?
ເຈົ້າຄວນເຮັດແນວໃດເມື່ອພົບຜູ້ສົນໃຈທີ່ເວົ້າພາສາອື່ນ?—od-SI ໜ້າ 100-101 ຂໍ້ 39-41