ປະກາດ​ຄວາມ​ຈິງ​ກ່ຽວ​ກັບ​ພະ​ເຍຊູ​ດ້ວຍ​ຄວາມ​ກະຕືລືລົ້ນ

ຄວາມ​ກະຕືລືລົ້ນ​ຂອງ​ເຮົາ​ເພີ່ມ​ຂຶ້ນ ເມື່ອ​ຮູ້​ວິທີ​ບອກ​ຄົນ​ອື່ນ​ໃນ​ເລື່ອງ​ຄວາມ​ຈິງ​ກ່ຽວ​ກັບ​ພະ​ເຍຊູ. ພະ​ເຍຊູ​ເປັນ​ພື້ນຖານ​ຫຼັກ​ຂອງ​ຄວາມ​ເຊື່ອ​ແທ້. (ເອເຟ. 2:20) ຖ້າ​ບໍ່​ມີ​ພະ​ເຍຊູ ເຮົາ​ກໍ​ບໍ່​ມີ​ຄວາມ​ຫວັງ​ສຳລັບ​ຊີວິດ. (ກິດ. 4:12) ສະນັ້ນ ເປັນ​ສິ່ງ​ສຳຄັນ​ທີ່​ເຮົາ​ທຸກ​ຄົນ​ສຳນຶກ​ເຖິງ​ຕຳແໜ່ງ​ຂອງ​ພະອົງ​ໃນ​ຈຸດ​ປະສົງ​ຂອງ​ພະເຈົ້າ. ຫຼາຍ​ຄົນ​ຖືກ​ພາ​ໄປ​ຜິດ​ທາງ​ຍ້ອນ​ຄຳ​ສອນ​ທີ່​ບໍ່​ເປັນ​ໄປ​ຕາມ​ຫຼັກ​ພະ​ຄຳພີ. ໜ້າ​ເສຍດາຍ ເຂົາ​ເຈົ້າ​ພາດ​ໂອກາດ​ໃນ​ເລື່ອງ​ຄຳ​ສັນຍາ​ຕ່າງໆ​ທີ່​ຄຳພີ​ໄບເບິນ​ສະເໜີ​ໃຫ້​ກັບ​ຄົນ​ທີ່​ສະແດງ​ຄວາມ​ເຊື່ອ​ໃນ​ພະ​ເຍຊູ. ຄວາມ​ກະຕືລືລົ້ນ​ຂອງ​ເຮົາ​ກ່ຽວ​ກັບ​ຄວາມ​ຈິງ​ຈະ​ກະຕຸ້ນ​ເຮົາ​ໃຫ້​ຊ່ວຍ​ຄົນ​ທີ່​ມີ​ຫົວໃຈ​ສຸດ​ຈະ​ລິດ​ໃຫ້​ໄດ້​ຮັບ​ຄວາມ​ເຂົ້າ​ໃຈ​ທີ່​ຖືກຕ້ອງ​ໃນ​ເລື່ອງ​ພະ​ເຍຊູ ສາຍ​ສຳພັນ​ຂອງ​ພະອົງ​ກັບ​ພະເຈົ້າ ແລະ​ບົດບາດ​ໜ້າ​ທີ່​ຂອງ​ພະອົງ​ໃນ​ຈຸດ​ປະສົງ​ຂອງ​ພະເຈົ້າ. ໃນ​ໄລຍະ​ການ​ປະຊຸມ​ອະນຸສອນ ເຮົາ​ຈະ​ປະກາດ​ຄວາມ​ຈິງ​ກ່ຽວ​ກັບ​ພະ​ເຍຊູ​ຢ່າງ​ກະຕືລືລົ້ນ​ໄດ້​ບໍ?