ຊີວິດຄລິດສະຕຽນ
ຊະນະໃຈດ້ວຍການປະພຶດທີ່ດີແລະດ້ວຍຄວາມນັບຖືຈາກໃຈ
ເມຍທີ່ເປັນຄລິດສະຕຽນເຊິ່ງມີການປະພຶດທີ່ດີສ່ວນຫຼາຍຈະຊະນະໃຈຜົວໄດ້ ແລະຊ່ວຍໃຫ້ລາວຍອມຮັບຄວາມຈິງໃນຄຳພີໄບເບິນໄດ້ງ່າຍຂຶ້ນ. ແຕ່ການເຮັດແບບນີ້ຕ້ອງໄດ້ອົດທົນເປັນເວລາຫຼາຍປີ. (1 ເປ 2:21-23; 3:1, 2) ຖ້າເຈົ້າຕ້ອງອົດທົນກັບເລື່ອງທີ່ບໍ່ຍຸຕິທຳ ຂໍໃຫ້ເອົາຊະນະຄວາມຊົ່ວດ້ວຍຄວາມດີຕໍ່ໆໄປ. (ໂລມ 12:21) ຕົວຢ່າງທີ່ດີຂອງເຈົ້າມີພະລັງຫຼາຍກວ່າຄຳເວົ້າ.
ພະຍາຍາມເຂົ້າໃຈຄວາມຮູ້ສຶກຂອງຜົວ. (ຟີລິບ 2:3, 4) ສະແດງຄວາມເຫັນອົກເຫັນໃຈແລະກະລຸນາ ແລະເຮັດໜ້າທີ່ຂອງເຈົ້າໃຫ້ດີທີ່ສຸດ. ເປັນຜູ້ຟັງທີ່ດີ. (ຢໂກ 1:19) ອົດທົນ ແລະເຮັດໃຫ້ຜົວໝັ້ນໃຈວ່າເຈົ້າຮັກລາວ. ເຖິງວ່າຜົວບໍ່ໄດ້ສະແດງຄວາມກະລຸນາແລະນັບຖືເຈົ້າ ແຕ່ໃຫ້ໝັ້ນໃຈວ່າພະເຢໂຫວາເຫັນຄຸນຄ່າຄວາມສັດຊື່ຂອງເຈົ້າ.—1 ເປ 2:19, 20
ເບິ່ງວິດີໂອພະເຢໂຫວາຊ່ວຍໃຫ້ເຮົາເຂັ້ມແຂງເພື່ອຈະແບກພາລະຂອງເຮົາໄດ້ ແລ້ວຕອບຄຳຖາມຕໍ່ໄປນີ້:
ຊີວິດຂອງເກຣດສ໌ ລີ ເປັນແນວໃດຕອນແຕ່ງດອງໃໝ່ໆ?
ສິ່ງໃດເຮັດໃຫ້ລາວສົນໃຈຄວາມຈິງ?
ພີ່ນ້ອງເກຣດສ໌ອົດທົນກັບບັນຫາຕ່າງໆໄດ້ແນວໃດຫຼັງຈາກຮັບບັບເຕມາ?
ພີ່ນ້ອງເກຣດສ໌ອະທິດຖານເລື່ອງຫຍັງກ່ຽວກັບຜົວຂອງລາວ?
ພີ່ນ້ອງເກຣດສ໌ໄດ້ຮັບພອນຫຍັງແດ່ຍ້ອນການປະພຶດທີ່ດີແລະນັບຖືຜົວຈາກໃຈ?
ການປະພຶດທີ່ດີແລະຄວາມນັບຖືຈາກໃຈມີພະລັງຫຼາຍ!