Lizibiso
◼ Libuka ze na ni ku itusiswa mwa January: Ifi kamba ifi ya libuka za makepe a 192 yeo liputeho ne li kana za ba ni yona mwa pulukelo ka K50.00 ye ñwi ni ye ñwi: Choosing the Best Way of Life; Commentary on the Letter of James; Good News to Make You Happy; Holy Spirit—The Force Behind the Coming New Order!; Is the Bible Really the Word of God?; Is This Life All There Is?; Life Does Have a Purpose ni Our Incoming World Government—God’s Kingdom. MU SI KE mwa oda ifi kamba ifi ya zona libuka zeo mwa Sikuwa kamba mwa Sibemba ku zwelela kwa Sosaiti kakuli ha li yo mwa pulukelo. Nihakulicwalo, Sosaiti i na ni palonyana ya buka ya Holy Spirit—The Force Behind the Coming New Order! mwa Sichewa mi zona zeo ne li kana za odiwa. Haiba liputeho ha li na mwa pulukelo ya zona libuka ze fahalimu zeo, ne li kana z’a fa buka ya Kozo ni Buiketo za Niti—Mu Ka Li Fumana Cwañi? February: Wa Kona Ku Pila Ku Ya Ku Ile mwa Paradaisi fa Lifasi-Mubu i ka itusiswa. Ko ku siilwe buka ye kaufela ku swanelwa ku kutelwa teñi ka ku eza misipili ya makutisezo, mi buikatazo bu swanelwa ku eziwa bwa ku kalisa lituto za Bibele. March: Bunca Bwa Hao Ku Fumana ku Bona Bunde bo bu Fitisisa. April ni May: Ñoliso ya Tora ya ku Libelela. TEMUSO: Liputeho ze si ka kupa kale lihatiso za musebezi ze bulezwi fahalimu li swanela ku li kupa fa Fomu ya bona ye tatama ya ka kweli ni kweli ya Kupo ya Libuka (S-AB-14).
◼ Liputeho li swanela ku eza litukiso ze sa pitihanyi za Kupuzo ya silimo se ili ye ka eziwa la Butanu, April 14, hamulaho wa ku likela kwa lizazi. Hailif’o ki ko ku lakazeha kwa neku la kuli puteho ye ñwi ni ye ñwi i eze inosi mukiti wa Kupuzo, seo ne si si ke s’a konahala kamita. Mwa sibaka m’o liputeho li sikai li itusis’anga Ndu ya Mubuso ye swana, mwendi puteho i liñwi kamba ze ñata li kona ku kupa ku sebelisa muyaho u sili manzibuana ao. Kupuzo ha i swaneli ku kalisa manzibuana hahulu kuli mane ba ba sa z’o tabela ba fumana nako ya ku kopana ku ba ye pitihanya. Fahalimu a seo, tomahanyo ha i swaneli ku ba ya ka sikwashu hahulu kuli mane pili kamba hamulaho wa mukiti ku si ke kwa ba ni nako ya ku lumelisa baenyi, ku eza litukiso za ku zwelapili ku tusa ba bañwi kwa moya, kamba ya ku susuezana ka nañungelele mwahal’a ba ba li teñi. Hamulaho wa ku nyakisisa hande miinelo kaufela, maeluda ba swanela ku eza katulo ka za litukiso ze ka tusa hande ka ku fitisisa ba ba fumaneha kwa Kupuzo kaufela kuli ba fumane tuso ka ku tala kwa kezahalo yeo.
◼ La Sunda, April 23, 1995, ngambolo ye ipitezi ya nyangela i ka fiwa mwa liputeho kaufela. Toho ya taba i k’a li “Mafelelezo a Bulapeli bwa Buhata a Fakaufi.” Mu ikolwise teñi kuli mwa mema bao kaufela ba ba k’a fumaneha kwa Kupuzo ya silimo se. Buikatazo bo bu ipitezi bu ka eziwa ili bwa ku tusa bolule-lule ba baituti ba ba zamaisezwa lituto za Bibele za mwa ndu.
◼ Ku kala ka February, mi isi hamulaho wa March 5, ngambolo ye nca ya nyangela ya baokameli ba mupotoloho ikaba ye li “Tuto ya Bumulimu y’a Tula mwa Lifasi Kaufela.” Yeo i k’aba ya ku buhisa maswaniso ili ku koñomeka Mikopano ye ipitezi ya mwahal’a macaba ya “Tuto ya Bumulimu” yeo ne i ezizwe mwahal’a lilimo za sebelezo za 1993 ni 1994. Mwa likalulo m’o maswaniso a si ke a’ ba teñi kuli konji hasamulaho, baokameli ba mupotoloho ba k’a fa ngambolo ye li “Mu Sepe Mulimu wa ze Omba-Omba Kaufela” mi ni ku zwelapili ni yona ku fitela nako ya ka amuhelwa maswaniso. Liputeho kaufela ha se li bile ni ngambolo ya maswaniso, baokameli ba mupotoloho ba ka zwelapili ku fa ngambolo ye li “Mu Sepe Mulimu wa ze Omba-Omba Kaufela” ku fitela ngambolo ye nca ya muokameli wa mupotoloho i ka tomahanyiwa kwa makalelo a 1996.
◼ Fa Mukopano wa Sebelezo wa viki ye kala January 9, bahasanyi kaufela ba ba kolobelizwe ba ka amuhela kopi ya ka butu ya kadi ya Advance Medical Directive/Release ni Makadi a Identity kwa neku la bana ba bona.
◼ Lu tabela ku hupuza liputeho kaufela hape kuli ha ku na likoloti ze swanela ku lumelezwa kwa limagazini ni kwa libuka kwa bahasanyi hamohocwalo ni kwa mapaina. B’ote ba libelelwa ku lifa onaf’o kwa neku la lisebeliso zeo mi ni kwa liñoliso kaufela za ka butu ze fitiswa ka puteho. Ka ku eza cwalo lipulukelo za mina za mali li ka ba mwa muinelo o munde ni Sosaiti. Haiba mu na ni likoloti lifi kamba lifi za kwamulaho, mu swanela ku eza buikatazo bwa k’u nga mali ka ku hupuza ka sishemo bao kaufela ba ba kolotezi puteho kuli ba life.
◼ Liputeho ze ñwi li sa lumela mali ka mail transfer ku zwa kwa Standard Bank ku isa kwa Pulukelo ya Mali ya Watch Tower Society ye kwa Barclays Bank. Seo haki se si susuezwa. Shangwe mu lemuhe se: Ha mu lumela mali ka Standard Chartered Bank Zambia Limited, mu swanela ku a fitisa kwa Pulukelo ya Mali ya Watch Tower Society ili # 01 0 51 61189 00 1, ye kwa Standard Chartered Bank, North End Branch. Niteñi, haiba mu a lumela ka Barclays Bank, f’o mu bonise Pulukelo ya Mali ya Watch Tower Society ili # 7322409 ye kwa Barclays Bank, Mutaba House, Lusaka. Hape, fomu ya mina ya S-AB-20 i swanela ku zamaelela ni mail transfer yeo. Kamita mu ikolwise teñi kuli mu li lumela hamoho, isiñi ka ku kauhana.
◼ Shangwe mu hupule kuli ka nako kaufela mu lumele tupampili twa ñoliso hamoho ni fomu ya M-203. Hakusicwalo ha li na ku sebelezwa. Hape mu beye mwa munahano kuli kwa mapaina ñoliso ya ka silimo haki K2,500.00 kono ki K3,500.00. Mi ya likweli ze silezi ki K1,750.00 mi isiñi K1,250.00.
◼ Lihatiso ze Fumaneha:
Sichewa: Wa Kona Ku Pila Ku Ya Ku Ile mwa Paradaisi fa Lifasi-Mubu (ye nyinyani).