Mu Tuse Ba Bañwi ku Fumana Zibo Ye Isa kwa Bupilo
1 Muapositola Paulusi n’a talusize kuli ki ‘tato ya Mulimu kuli batu kamukana ba fite fa zibo ya ku ziba niti.’ (1 Tim. 2:4) Lu kona ku tusa cwañi ba bañwi ku ikungela zibo yeo? Nzila ye ñwi ki ka ku eza misipili ya makutisezo kwa batu bao cisehelo ya bona ne i nyangumuzwi ka ku itusisa buka ya Knowledge That Leads to Everlasting Life. Hatiso yeo i tahisa niti ya Bibele ka manzwi a utwahala, a bunolo, a ketilwe hande. Ka ku ituta yona, batu ba miinelo ye fitana-fitana kamukana ba kona ku libiswa kwa bupilo. Ki sifi se lu kona ku bulela se si ka susueza ba bañwi ku ituta yona ni luna?
2 Ku bao ba ne ba bonisize cisehelo mwa Bibele sina ketelelo ye sebeza, ne mu ka kutela teñi ku yo fa tuto, mwendi ka ku bulela kuli:
◼ “Ha ne ni li teñi fa pili, ne lu buhisani libaka ha lu kona ku sepa Bibele sina simbule se si sebeza sa ketelelo. Bakeñisa ku buyelelwa kwa yona ki Mulimu, Bibele hape ki simbule se si itingiwa sa ku omba-ombiwa ni sepo, sina mwa n’a bulelezi yo muñwi wa baapositola ba Kreste. [Mu bale Maroma 15:4.] Kwa mafelezo a ngambolo ya luna ya pili, ne ni zusize puzo ye li, Lu kona cwañi ku fumana tuso ka butu ku zwelela kwa zibo ye mwa Bibele?” Mu bale paragirafu 18 fa likepe 11 mwa buka ya Knowledge. Mu hohele mamelelo kwa sisupo sa kuli Lipaki za Jehova ba sweli ku zamaisa lituto za Bibele ze bat’o eza bolule baketalizoho mwa bupala bwa lifasi, ili ku tusa batu kai ni kai ku ikungela zibo ye isa kwa bupilo bo bu sa feli. Mu fe mutala ka bukuswani wa ka m’o tuto i zamaisezwa, ka ku itusisa maparagilafu a pili a ketalizoho mwa kauhanyo 1.
3 Haiba tapelo ne li yona taba ye ne mu buhisani pili ni yo muñwi, ne mu kana mwa lika muatumelelo wo ili ku lika ku kalisa tuto:
◼ “Na sepa ne mu ikozi litaba ze ne lu buhisani ka za tapelo ku zwelela mwa buka ya Knowledge That Leads to Everlasting Life. Ne ni sepisize ku kuta ni ku t’o nyakisisa ni mina ka m’o bao ba ba lapela ku Mulimu, ni bona, ba konela ku teeleza ku yena. Ha mu utwe se si bulezwi fa likepe 158. [Mu bale paragilafu 18.] Kacwalo, ka ku ituta Bibele ka butu, lu teeleza ku seo Mulimu a na ni ku si bulela ku luna. Ku eza seo ku lu suteleza ku yena mi ku lu tusa ku sebelisana ni butata bwa ka zazi ni zazi ili bo lu lapela ka za bona. Ne ni ka ba ya tabile ku ituta Bibele ni mina.” Haiba mutu yo ki ya tabela, mu kalise ka kauhanyo ya pili ya buka ya Knowledge.
4 Haiba ne mu itusisize muatumelelo o nongile fa ku kalisa tuto, ne mu ka bulela se ili ku latelela puhisano ya pili:
◼ “Ni ezize buikatazo bo bu ipitezi bwa ku mi fitela hape bakeñisa kuli ne ni bata ku mi bulelela ze ñwi ka za tukiso ya luna ya tuto ya Bibele ye si na tifo. Ne ni mi siyezi kopi ya buka ye, Knowledge That Leads to Everlasting Life, ye li buka ya tuto ye lu itusisa. Mu utwe ka mo i lu susueleza ku nyakisisa Linzwi la Mulimu. [Mu bale paragilafu 23 fa likepe 22.] Shangwe haiba ne mu ka ba ni kopi ya mina ya yona buka ye, mwendi ne lu ka kona ku zwelapili ku ituta fo ne lu siyezi nako ye felile.” Haiba tuto ne i si ka kaliswa fa ku pota kwa pili, ne mu ka bulela kuli: “Mwendi ye ne i ka ba nako ye nde ku bonisa ka mo lu itutela Bibele.” Hamulaho wa ku nyakisisa liparagilafu ze sikai, mu lukise nako ye tomilwe hande ya ku kutela teñi kwa neku la tuto ye tatama.
5 Ku itusisa buka ya Knowledge ka buanyu ku ka lu konisa ku hasanya zibo ye nepahezi ili kwa neku la ku fuyolwa kwa ba bañwi. (Liprov. 15:7) Zibo ye cwalo i ka tisa tabo ku bao ba lipilu ze lukile, i ka tahisa tabo, mi i ka ba susuezo ye tiile ya kuli ba pile ka ku lumelelana ni ku luka kwa Jehova, ili nto yeo kwa nalulelule i isa kwa bupilo bo bu sa feli.