Pinyruoth ma Nolochi e Wi Piny Ngima

Be dibed ni ing’eyo Pinyruoth ma wawuoyoe?— En Pinyruodh Nyasaye ma e Pinyruoth ma biro loko piny obed paradis. Be diher ng’eyo weche momedore e wi Pinyruodhni?—

Pinjeruodhi duto nigi ruodhegi. Be ing’eyo ni Ruodh Pinyruodh Nyasaye en ng’ano?— En Yesu Kristo. Odak e polo. Machiegnini, obiro locho e wi ji duto manie piny! Donge wabiro bedo mamor ka Yesu e Ruoth ma locho e wi piny ngima?—

Kuom adier, wabiro bedo mamor ahinya! E Paradis, ji ok nodhaw, ok gibi gore, kata dhi e lweny kendo. Ji duto biro bedo joma oherore. Onge ng’at ma biro bedo matuwo kata ma biro tho. Muofni biro neno, joma itgi odino biro winjo wach, kendo joma ok nyal wuotho gie sani biro ringo kendo chikore. Ji duto nobed gi chiemo mogundho. Onge le ma nobed jasik le wadgi kata jasik dhano. Joma ne otho biro chier ma bed mangima kendo. Ji mang’eny moriwo chwo kod mon misepuonjori kuomgi e brosuani kaka Rebeka, Rahab, Daudi gi Elija biro chier mi gidag kendo! Be diher nenogi ka gichier?—

Jehova oheri kendo odwaro ni ibed mamor. Ka idhi nyime puonjori e wi Jehova kendo winje, ibiro dak nyaka chieng’ e paradis ma jaber nyowuoyo! Be mano e gima igombo?—