“Kan Lehkhabute I Lâk Loh Chuan In Ta Pawh Ka La Bîk Lo Vang”

Hei hi in neitu ṭhenkhat min tih dân a ni. Kan lehkhabute chu thu dik lo theh darhtu lehkhabu dangte nêna thleng kan duh loh avângin, engtin nge remhre taka kan chhân theih ang? (Rom 1:25) Heti hian kan sawi thei ang: “I rawtna siam avângin ka lawm e. I lehkhabu hian mihringte buaina sut kian dân chungchângah eng nge a sawi? [Chhânna hun pe rawh. A chhânna chu a lehkhabu chhiarna aṭanga hmu chhuak tûra a tih che chuan, a chhûnga thu awmte sawi lovin lehkhabu i pêk chhuah ngai loh thu hrilh ang che. Matthaia 6:9, 10-na chu i chhiar emaw, i sawi chhuak emaw thei ang.] Isua chuan Pathian Ramin leia Pathian duhzâwng a thlentîr dân tûr a sawi a. Chuvângin, Pathian Ram sawi uarna sakhaw lehkhabute chauh chu ka chhiar ṭhîn. Pathian Ramin a tihpuitlin tûr engemaw tak chu Bible aṭangin ka kawhhmuh thei che ang em?” tiin.