I Sâwm Thei Ang Em?

Kohhran tam takah chuan natna benvawn vei vâng emaw, kum upat vâng emawin rawngbâwl ṭha thei lo thuchhuahtu an awm a. (2 Kor. 4:16) Chutiang dinhmuna awm tuemaw chu i Bible zirnaa zui tûr chein i sâwm thei ang em? Thuchhuahtu chu pâwn chhuak thei lo a nih chuan, Bible zirna chu a inah pawh i kaihruai thei a ni. Hrisel ṭha lo thuchhuahtu chu engemaw chânga in hnih khat lek in tin kalpui tûr leh tlawhkîr kalpui turin ruahmanna i siam thei ang em? Thuchhuahtu kum upa tawh tam takte chuan rawngbâwlnaah thiltawn an ngah tawh a. Chuvângin, ṭanpui i tumna chu anmahni tân chauh a ni lo. Nang pawhin i hlâwkpui dâwn a ni. (Rom 1:12) Chu bâkah, hetiang kawnga hmangaihna i lantîrna chu Jehova’n mal a sâwm ngei ang.—Thuf. 19:17; 1 Joh. 3:17, 18.