“In Lamah Ka Tawng Fuh Leh Thei Tawh Lo!”

Tuina nei tuemaw chungchângah hetiang hian i lo sawi tawh ngai em? Va tlawh tumin kal nawn fo ṭhîn mah la, thutak chi i lo tuh tawh chu tuiin i châwm hlei thei lo a ni. (1 Kor. 3:6) A châng chuan, thiltawn nei thuchhuahtute chuan in lama an tawn fuh theih lohte hnênah lehkha an thawn emaw, an kawngkaah lehkha tawi an hnutchhiah emaw ṭhîn. Thuchhuahtu ṭhenkhat chuan mi chu in lama tawn fuh leh a harsat an rin avângin an phone number an zâwt ṭhîn, “SMS i thawn ṭhîn em?” tiin. A ina kan va lên emaw, a nih loh leh lehkha thawn te, e-mail te, SMS te, an kawngkaa kan hnutchhiah lehkha tawi te, leh telephone-a kan biak te hian tlawhkîrah kan chhiar tel thei a. Hetiang hian, in lamah a awm khât viau a nih pawhin a tuina chu kan chhawmnunsak thei a ni.