In tzaj qʼoʼn qipumal kyuʼn bʼitz tiʼj Tkawbʼil Dios

E bʼitzin Pablo ex Silas bʼitz te Jehová akux ateʼ toj cárcel (Hch 16:25). Ex kʼitzqeku, e bʼitzin qe qerman tiʼj bʼitz tiʼj Tkawbʼil Dios tej kyok obligarin tuʼn kyaqʼun toj Sachsenhausen te Alemania nazi ex tej kyxi qʼiʼn erman te Rusia toj Siberia. Aʼyeju techel lu in tzaj kyyekʼun tzeʼn jaku che onin bʼitz kyiʼj okslal aj kyok weʼ twitz nya bʼaʼn.

Kyoj nim yol chʼix tetz aju akʼaj uʼj te bʼitzbʼil aju tok tbʼi Cantemos con gozo a Jehová. Noq alkyexku bʼitz at, jaku che kubʼ qxnaqʼtzaʼn toj ambʼil in xi qqʼoʼn kyukʼil toj qja te Jehová tuʼntzun tkyaj letra toj qwiʼ (Ef 5:19). Iktzun tten aj qok weʼ twitz nya bʼaʼn, tzul tnaʼn xewbʼaj xjan qe aju letra. Aʼyeju bʼitz tiʼj Tkawbʼil Dios in che onin qiʼj tuʼn tok qqʼoʼn qwiʼ tiʼj qʼuqbʼil qkʼuʼj. In tzaj tqʼoʼn qipumal aj qok weʼ twitz nya bʼaʼn. Axpe ikx qa mintiʼ in qo ikʼ toj jun nya bʼaʼn, aʼyeju tbʼanel letra kye bʼitz in che onin qiʼj tuʼn qbʼitzin tukʼil tzalajbʼil tuʼnju in qo tzalaj (1Cr 15:16; Sl 33:1-3). Tuʼntzunju, qqʼonk tilil tuʼn qbʼitzin kyiʼj bʼitz tiʼj Tkawbʼil Dios.

QʼONK TWITZA TIʼJ VIDEO JUN BʼITZ XI TQʼUQBʼAʼN KYKʼUʼJ QE AQʼUNAL, YAJXITL TZAQʼWENTZA QE XJEL LU:

• ¿Tiʼ nya bʼaʼn ok weʼ ermano Frost twitz tej tkubʼ ttzʼibʼin jun bʼitz?

• ¿Tzeʼn onin aju bʼitz lu kyiʼj erman tej kyok obligarin tuʼn kyaqʼun toj Sachsenhausen?

• ¿Toj alkye ambʼil jaku che onin qe bʼitz tiʼj Tkawbʼil Dios tiʼja tuʼn ttzaj tqʼoʼn tipumala?

• ¿Alkyeqe bʼitz tiʼj Tkawbʼil Dios taja tuʼn tkyaj toj twiʼya?