QE XJEL TIʼJ TYOL DIOS
¿Jakupe kubʼ tnajsaʼn Dios qil?
Nya kwest tuʼn ttzalaj Dios quʼn.
In tzaj tqʼamaʼn Tyol Dios qa qkyaqilx aj il qoʼ tuʼnju o tzʼel qiqen il kyaj tqʼoʼn Adán qibʼaj. Tuʼntzunju, at maj in kubʼ qbʼinchaʼn qe tiʼchaq nya bʼaʼn ex yajxitl in tzaj qbʼis kyuʼn. Noqtzun tuʼnj, kyim Jesús, aju Tkʼwal Dios, tuʼn tchjet qe qil. Noq tuʼn chojbʼil bʼant tuʼn in che najset qe qil. Jun oyaj jlu tuʼn Dios qe (uʼjinktza Romanos 3:23, 24).
Ateʼ junjun o kubʼ kybʼinchaʼn qe matij il ex in kubʼ kyxjelin qa jaku kubʼ tnajsaʼn Dios kyil. In tzaj tqʼamaʼn Tyol Dios qa «aju tchkʼel Jesucrist aju Tkʼwaʼl Dios nneʼl ttxʼjoʼn tkyaqilju qil» (1 Juan 1:7). Ik tzeʼn in tzaj tyekʼin taqikʼ lu, in kubʼ tnajsaʼn Jehová qe qil tuʼn tkyaqil tkʼuʼj, qa ma tzʼajtz tiʼj qanmi (uʼjinktza Isaías 1:18).
¿Tiʼ il tiʼj tuʼn tbʼant quʼn tuʼntzun tkubʼ tnajsaʼn Dios qe qil?
Qa qaj tuʼn tkubʼ tnajsaʼn Jehová qe qil, il tiʼj tuʼn tok qojtzqiʼn. Tuʼn tel qnikʼ tiʼj tmod, kyiʼj nabʼil ex kawbʼil in tzaj tqʼoʼn qe (Juan 17:3). In kubʼ tnajsaʼn Jehová kyil qeju in najtz tiʼj kyanmi ex in nok tilil kyuʼn tuʼn kychʼexpaj (uʼjinktza Hechos 3:19).
Nya kwest tuʼn ttzalaj Dios quʼn. Ojtzqiʼn tuʼn qa aj il xjal qoʼ. Tbʼanel te Jehová tmod ex at nim tkʼujlabʼil. ¿Mintiʼpe in nonin jlu tiʼja tuʼn tkubʼ tbʼinchaʼna ju bʼaʼn in nela toj twitz? (Uʼjinktza Salmo 103:13, 14).