BYUMA BYASA KUMIKWASA NGA BINDANDO BINALONDO

Zibukeni Ngweni Kumwasa Kutengulula Byuma Bimo

Kutwasa kunanguka ngwetu bindando bili na kulonda kamandondo-kamandondo maneneni nga batubwezelela ku fweto yetu. Oloni nga bindando bilonda okuni kubabwezelela ku fweto yetu, twasa kushangumuka kulishoshomwena na kukala mu bishoti maneneni nga tuli na naanga ije itunapande kunyunga.

Kutwasa kwonowesa bindando kulonda. Kuzibuka ngwetu omu mukekwo mubinafu byuma kwasa kutukwasa.

MWAFWA BIKA KUNAPU KWA SEHO KUZIBUKA NGWETU KUTWASA KULINGISA BINDANDO BILUKE MWISI?

Banu baje bakazibuka ngwabo kubasa kulingisa bindando biluke mwisi . . .

bakau mbunge. Kuwa mbunge kutukwasa tusinganyeke mwamubwa na kwangula mwamubwa byakulinga.
bakajenjuka kulinga byuma kubyapandele. Cakumwenako, kutulingi bwino nga kutufwetela byuma bitunapangesa nambe nga tubiisila bimbongo byetu ku kulanda byuma bije kubyesi na seho.
bakajenjuka kulicokota na baka-naanga yabo mwafwa ya bimbongo.
bakazibuka bibanapande kulinga mangana balande byuma bya seho. Kubesi kulanda camulandela, oloni bakalanda lika byuma bibatonda.

BIMUNAPANDE KULINGA

Libwaheseleni kutengululako. Nga bindando binalondo manene, kwapwa kwakubwa kutepululako ku byuma bitulanda nga citaba kulinga ngoco. Banu bamo bashaka manene kupangesa bimbongo byabingi kutubakana bimbongo bibakawana. Oku kukalingisa buyoye bubakaluwile, co bakakala mu bishoti. Nga muli na naanga, munasa kulishoshomwena mwafwa mushaka kubawanena byuma bya kulikwasesa. Nameme ngoco, anukeni ngweni cuma ca seho manene cinapu kuwana simbu ya kusikama na naanga yeni na kuimwesa ngweni mwayaka mbunge na kuimwesa manene cizemo.

“Kuma bishoti byeni byasa kubwezelela ku kuyoya kweni ndi? Embwe!”—Luka 12:25, Mbimbiliya ya New Living Translation.

“Keti mulishoshomwene bya imene, mwafwa litangwa lya imene lija na bishoti byalyo. Litangwa na litangwa lili na bukalu bwalyo.”—Mateu 6:34.

Kushaka kuyoya buyoye bwabubwa manene kunapu ngwe kulapa ha ndonga ya cingungumuta oku munu natalesa kuje kuli na kutunda mema