Ëxpëjkën 11

Kostumbrë etsë mëbëjkën diˈibë Dios kyaj ttukjotkëdaˈaky

¿Diˈibatyë kostumbrë etsë mëbëjkënë axëëk? (1)

Pënaty pyanëjxtëbë Kristʉ, ¿mbäät tmëbëktë ko Dios yëˈë tuˈugë Trinidad? (2)

¿Tiko diˈib jyantsy pyanëjxtëbë Kristʉ kyaj tmëjtundë Diosˈuˈunk xëë, kyaj tˈamääyˈattë Amääy xyëë, ets nan kyaj nyaynyixëdunëdë ko xyëë jyëmëjt dyaˈabattë? (3, 4)

¿Mbäädë oˈkpë tˈaxëktuny pënaty jukyˈäjttëp? (5)

¿Kruuskëjxyë Jesús yˈoˈky? (6)

¿Tim jëjpˈamë dëˈën nyajjotkujkˈäjtëmë Dios? (7)

1. Kyaj tëgekyë kostumbrë etsë mëbëjkënë yˈaxëëgëty. Per diˈibë Dios kyaj tkupeky yëˈë tadë kostumbrë etsë mëbëjkënë diˈib tsoˈomp mä relijyonk diˈib kyaj tyëyˈäjtënëty o diˈib kyaj myiny mä Biiblyë (Matewʉ 15:6).

2. Trinidad: ¿Yëˈë Jyobaa tuˈugë Trinidad, njënäˈänëm, tuˈugë Dios, jeˈeyë ko nidëgëëgë jäˈäy? Kyaj. Jyobaa, yëˈë Teety, ets yëˈë jeˈeyë tukpäjk Dios (Markʉs 12:29; Fwank 17:3). Jesús yëˈë Diosë kyaˈaxkopkˈUˈunk, ets myëmëdoobyë tyeety (1 Korintʉ 11:3). Yëˈë Teety niˈigyë kutujkënë tmëdaty ets kyaj dyëˈënëtyë Uˈunk (Fwank 14:28). Tadë espiritë santë kyaj yëˈëjëty tuˈugë jäˈäy; yëˈë Diosë mëjää (Génesis 1:2; Apostʉlʉty 2:18).

3. Diosˈuˈunk xëë etsë Amääy xyëë: Jesús kyaj myaxuˈunkˈäjty 25 äämbë disyembrë, ja myaxuˈunkˈäjty naa tuˈuk äämbënë oktuubrë, ja tiempë mä netyë borreegë kuentˈäjtpë myäˈädë aamyoty (Lukʉs 2:8-12). Jesús ninäˈä ojts tkaniˈanaˈamë ets yajnixëdunët mä myaxuˈunkˈäjty. Diˈib nyiˈanaˈamë yëˈë ets yajjamyatsëdë yˈoˈkën xyëë (Lukʉs 22:19, 20). Tëgekyë kostumbrë diˈibë jäˈäy tyuundëp ko Diosˈuˈunk xëë jam tsyoony mä relijyongë tëëyëbë diˈib kyaj tyëyˈäjtënëty. Nandëˈën tëgekyë kostumbrë diˈib mä Amääy xyëë, extëmë täjnäjxk o ko jäˈäy kyaj tsyuˈutstë. Pënaty tëëyëp pyanëjxtë Jesús kyaj tmëjtuundë Diosˈuˈunk xëë ets ni tkaˈamääyˈäjttë Amääy xyëë, nandëˈën diˈib tyam jyantsy pyanëjxtëbë Jesús kyaj dëˈëmbë ttundë.

4. Naynyixëdunë mä xëë jëmëjt yˈabety: Majtsk jeˈeyë jäˈäy yajnimaytyaˈaky mä Biiblyë diˈib naynyixëduunë ko xyëë jyëmëjt dyaˈabejty, per yëˈë tadë jäˈäy diˈib kyaj tmëduundë Jyobaa (Génesis 40:20-22; Markʉs 6:21, 22, 24-27). Pënaty tëëyëp pyanëjxtë Jesús kyaj tmëjtuundë ko ja xyëë jyëmëjt dyaˈabajttë. Tadë kostumbrë jam tsyoony mä relijyongë tëëyëbë diˈib kyaj tyëyˈäjtënëty. Pënaty tyam jyantsy pyanëjxtëbë Kristʉ naynyamooyëdëp tijaty ets ijt xoondëp oy tyim näˈäty.

5. Oˈkpë tsëˈëgë: Yëˈë oˈkpë kyaj mbäät ti ttundë ets ni ti tkajawëdë. Ëtsäjtëm kyaj mbäät nbudëjkëm, ets yëˈëjëty kyaj mbäät xyˈaxëktuˈunëm (Salmo 146:4; Eclesiastés 9:5, 10). Ko nˈoˈkëm kyaj ti pyëtsemy mä niniˈx këbäjk diˈib nëjxp winktsoo jukyˈäjtpë. Pën näˈäty nayajnäjxëdëp dëˈën extëmë oˈkpë anmë, yëˈë tadë axëk anklës diˈib yajtijtëp kaˈoybyëty. Tëgekyë kostumbrë diˈibë jäˈäy tyuumpy ko oˈkpë ttsëˈëgë kyaj yˈoyëty (Isaías 8:19).

6. Kruus: Jesús yˈoˈky mä tuˈugë kepyë tëybyë kyaj kryuuskëjxyëty. Diˈib mä mayë Biiblyë të yajkäjxnaxy kruus, mä grieegë yˈayuk yëˈë yˈandijpy tuˈugë kepyë tëybyë. Ets extëm tyamë jäˈäy dyajnikajtë tadë kruus ja myiny mä relijyongë tëëyëbë diˈib kyaj tyëyˈäjtënëty. Pënaty tëëyëp pyanëjxtë Jesús kyaj tmëdäjttë kruus ets ni tkaˈawdäjttë. Pääty wiˈix mˈokjënäˈäny, ¿oydaa nyajtuˈunëmë kruus ko nˈawdäjtëmë Dios? (Deuteronomio 7:26; 1 Korintʉ 10:14.)

7. Tsip yajmastutäˈäy näägë kostumbrë etsë mëbëjkën diˈib yä të yajnigajxy. Mbäät axtë mbajiiky mbamëguˈuk o mëtnaymyaayëbë mdukutëkëty ets kyaj xyajtëgatsëdë mëbëjkënë. Per niˈigyë jyëjpˈamëty nyajjotkujkˈäjtëmë Dios ets kyaj dyëˈënëty ko nyajjotkujkˈäjtëmë nmëguˈukˈäjtëm (Proverbios 29:25; Matewʉ 10:36, 37).

[Letrë diˈib miimp mä dibujë mä pajina 22]

Dios kyaj yëˈëjëty tuˈugë Trinidad

[Letrë diˈib miimp mä dibujë mä pajina 23]

Diosˈuˈunk xëë jam tsyoony mä relijyongë tëëyëbë diˈib kyaj tyëyˈäjtënëty

[Letrë diˈib miimp mä dibujë mä pajina 23]

Kyaj tiko mbäät nˈawdäjtëmë oˈkpë ets ntsëˈkëm