LEKSION 58
Ninäˈä xykyamastuˈudëdë Jyobaa
Niˈamukë Diosmëduumbë të ja jyot wyinmäˈäny tpëjktäˈäktë ko nitii ets nipën kyatukmastuˈudäˈänëdë Jyobaa. Seguurë ko mijts nanduˈunë mwinmäˈäny të xypyëjktaˈaky, etsë Jyobaa yajtsobatypy ko duˈun xymyëdunäˈäny (käjpxë 1 Crónicas 28:9). Per ¿tijaty jotmay mbäät mdukmastuˈutyëtyë Dios? ¿Ets wiˈix mbäät xywyinguwäˈägë?
1. ¿Wiˈix mbäädë wiink jäˈäy mdukmastuˈutyëtyë Dios?
Ta näägë jäˈäy mëdiˈibë xytyukmastuˈudäˈänëmë Jyobaa. ¿Pënë yäˈädë jäˈäyëty? Nääk, yëˈë mëdiˈibë të tmastuˈuttë ja tëyˈäjtënë ets tniˈoj tniyääxëdë ja Diosë kyäjpn parë dyajxaamäˈändë ja nmëbëjkënyëˈäjtëm. Taaˈäjtp nanduˈun pënaty nyiwintsënˈäjttëbë relijyonk mëdiˈibë tëgatsy xynyigäjpx xynyimaytyakëm parë nmëjagamgakëm ja Diosë kyäjpn. Jantsy kujotmay ko mëdë duˈumbë jäˈäy tijaty nyajtsiptakëm, ko ngäjpxëmë lyiibrë, ndëjkëm mä tmëdattë pyajina o nˈijxëmë bideo mëdiˈibë yajpajttëp. Yäˈädë jäˈäyëty mëdiˈibë xytyukmastuˈudäˈänëmë Jyobaa, yëˈë mëdiˈibë Jesus myaytyak ko jyënany: “Mastuˈuttë. Wiintsëtyëˈë o kyaj yˈixtë. Waˈan twijtsˈyoˈoyëdë jatuˈugë wiints. Es pën tuˈugë wiints wyijtsˈyeˈepy ja myëwiints, nimajtsk kyunaxtët mä tuˈugë jut” (Matewʉ 15:14).
2. ¿Wiˈix mbäät nyajnigëxëˈkëm ko nmëmëdoˈowëmë Jyobaa?
Kom ntsojkëmë Jyobaa, ninuˈun ngatuktëkëyäˈänëmë relijyonk mëdiˈibë kyaj tyëyˈäjtënëty. Nitii tuunk ngakupëjkëm mëdiˈibë yajjaˈäjttëp ets ni ngatuktëjkëm nituˈugë yˈorganisasion. Jyobaa duˈun tˈanëëmë nyax kyäjpn: “Pëtsëmdë mä tadë käjpn”, jaˈa njënäˈänëm, mä Mëj Babilonia (Diˈibʉ Jatanʉp o Apocalipsis 18:2, 4).
AK NIJAWË NIˈIGYË
Nijawë ti mbäät xytyuny parë nipënë Jyobaa mgatukmëjagamgaˈagëdët, ets tiko njënäˈänëm ko yëˈë nety mbuwäˈkëp ko jagam mnayaˈitëdët mä Mëj Babilonia.
3. Naygyuentëˈatëdë këdiibë myajwinˈëënët
¿Ti mbäät nduˈunëm ko nmëdoˈowëm tëgatsy yajnimaytyäˈägëdë Diosë kyäjpn? Käjpxtë Proverbios 14:15 ets nimaytyäˈäktë mëdiˈibë yä yajtëëpy:
¿Tiko kyaj yˈoyëty nmëbëjktäˈäyëm tijaty nmëdoˈowëm?
Käjpxtë 2 Fwank 9-11 ets nimaytyäˈäktë mëdiˈibë yä yajtëëpy:
¿Ti mbäät nduˈunëm ko nbatëmë jäˈäy mëdiˈibë të tmastuˈuty ja tëyˈäjtën etsë net tniˈoj tniyääxë ja Diosë kyäjpn?
Mbäät kyaj ndimynyaybyatëm wingëjxm jëjpkëjxm mëdë duˈumbë jäˈäy, per ¿wiˈix mbäät xytyukninäjxëm extëm wyinmaytyë?
¿Wiˈixëdaa Jyobaa nyayjyawëyaˈanyëty ko nmëdoowˈijtëm mä axëëk yajnimaytyaˈaky o ja nyax kyäjpn?
4. Këdii Dios xymyastuˈuty ko tuˈugë nmëguˈukˈäjtëm pyokytyunët
Pën nnijäˈäwëm ko tuˈugë nmëguˈukˈäjtëm të pyokytyuny, ¿ti mbäät nduˈunëm? Okˈix ti anaˈamën yajmooytyë ja israelitëty. Käjpxtë Levítico 5:1.
Yäˈädë tekstë jyënaˈany ko pën të nnijäˈäwëm pyokytyuny tuˈugë nmëguˈukˈäjtëm, tsojkëp ndukmëtmaytyakëm ja mëjjäˈäytyëjk. Per oy ko jawyiin nˈanmäˈäyëm ets yëˈë nëjkx ttukmëtmaytyaˈaky. Pën kyaj duˈun ttuny, ta ëtsäjtëm nimaytyakëm mët ko yëˈë nbuwäˈkëmë Jyobaa. Ko duˈun nduˈunëm, ¿tiko nety nyaˈijxëm ko ntsojkëm…
... ets nbuwäˈkëmë Jyobaa?
... ja mëdiˈibë të pyokytyuny?
... ja nmëguˈukˈäjtëm mëdiˈibë mëët nˈëxpëjkëm?
Pën tuˈugë nmëguˈukˈäjtëm të nyayajtëkëty jotmayoty, ¡pudëkë!
5. Mëjagamgaˈagë Mëj Babilonia
Käjpxtë Lukʉs 4:8 etsë Diˈibʉ Jatanʉp 18:4, 5, ets nimaytyäˈäktë mëdiˈibë yä yajtëëpy:
¿Jatsëdaa nˈaktuny tijaty tyuundëbë relijyonk mëdiˈibëts të ndukˈitë?
¿Jats tii ndukˈitë mëdiˈibë yajjaˈäjtypyë wiink relijyonk?
Mäts nmëduny, ¿jamëts wiˈixtsoow nbudëkë ja relijyonk mëdiˈibë kyaj tyëyˈäjtënëty?
¿Jadaa muum tsyokyëty nˈakmastutäˈäyëdëts tijaty tyuumbyë relijyonk mëdiˈibë kyaj tyëyˈäjtënëty?
Pën duˈun, ¿ti net mbäät xytyuny?
Tun mëdiˈibë mbäät myajnayjyawëty jotkujk ets mëdiˈibë yajnigëxëˈëgëp ko mtsojkypy ets mbuwäˈkëbë Jyobaa.
¿Ti mdunëp ko myaˈˈamdowëdë meeny sentääbë mëdiˈibë yajtukpudëjkëbë jäˈäy, jeˈeyë ko wiink relijyonk duˈun tyuundëp?
NÄÄGË JÄˈÄY JYËNÄˈÄNDË: “Per ¿wiˈixëts nitsiptunët ja tëyˈäjtën pën kyajtsnijawë wiˈix yajniˈoojë Diosë kyäjpn?”.
Wiˈix mˈokjënäˈäny, ¿oyëdaa ko duˈun nwinmäˈäyëm? ¿Ets tiko?
TI TË NJÄJTËM
Pën nmëdunäˈänëm xëmë Jyobaa, tsojkëp nnaygyuentëˈäjtëm ets kyaj nduˈukmujkëm mëdë jäˈäy mëdiˈibë xywyinˈëënäˈän xywyinxäjäˈänëm.
Ajamyatsë
¿Tiko kyaj yˈoyëty nmëdoowˈijtëm wixaty jyënäˈändë pënaty të tmastuttë ja tëyˈäjtën ets tniˈojëdë ja Diosë kyäjpn?
¿Ti mbäät nduˈunëm pën nnijäˈäwëm ko tuˈugë nmëguˈukˈäjtëm të pyokytyuny mëjwiin kajaa?
¿Ti mbäät nduˈunëm ko nyaˈˈanmäˈäyëm ets ndukpëtsëëmdutëm ja relijyonk mëdiˈibë kyaj tyëyˈäjtënëty?
AK PAYEˈEY
Nijawë ti mbäät nduˈunëm ko yajniˈoj yajniyääxëdë Jyobaa tyestiigëty.
“¿Nnijäˈäwëm yajxon wiˈix tijaty yˈixëty?” (Diˈib Xytyukˈawäˈänëm, agostë 2018)
¿Wiˈix mbäät xynyijawë pën tuˈugë organisasion o pën ti ndunäˈänëm yëˈë pyudëkëyaambyë relijyonk mëdiˈibë kyaj tyëyˈäjtënëty?
Pënaty myëtsipˈäjttëbë tëyˈäjtën, ¿tijaty tyuundëp parë dyajxaamäˈändë ja nmëbëjkënyëˈäjtëm?
Parë xynyijawët wiˈix tuˈugë teety tmastuty ja relijyonk mëdiˈibë kyaj tyëyˈäjtënëty, käjpx mä jyënaˈany “Mutsknëmtsë nety kots nˈëxtääytsyondakyë Dios”.
“Biiblyë yëˈë yajtëgäjtsëdë jyukyˈäjtën” (Myiny mä Diˈib Xytyukˈawäˈänëm)