Mëdiˈibë nääk të nyayajtëwëdë
¿Ti winmäˈänyë Jyobaa pyëjktäˈägaampy tim tsojk mä ja gobiernëtëjk?
Biiblyë nyimaytyakypy ti tunan jatanëp mä nety kyatsondaˈakynyëm ja mëj ayoˈon, jap jyënaˈany: “Ja mäjkpë wäj es ja axëk jëyujk tyukˈakˈatëp ja kujenytyoˈoxy, es dyajwëˈëmët niwäˈäts ëxwäˈäts. Es axtë tsyuˈtstäˈäytyëp ja nyiniˈx, es nyinoˈktäˈäytyëp diˈibë wëˈëmp. Diosë dëˈën të pyëjtäˈägëdë es dyajtuunëdë Diosë wyinmäˈäny, tiˈigyë nyaybyëjtäˈägëdë es dyaky ja kutujkën extëmë rey mä ja axëk jëyujk axtë ko yajkuytyuundäˈäyët diˈibë Dios nyaskäjxë” (Diˈibʉ Jat. 17:16, 17, JKJ). Duˈunë nety yajjaygyukë ko ja Diosë “wyinmäˈäny” mëdiˈibë pyëjktäˈägaampy mä ja gobiernëtëjk, yëˈë ets dyajkutëgoytyët tukëˈëyë relijyonk mëdiˈibë kyaj tyëyˈäjtënëty.
Per kyaj duˈun nyekyyajjaygyukë, pes ja winmäˈäny mëdiˈibë Jyobaa pyëjktäˈägaampy mä ja gobiernëtëjk, yëˈë ets tmoˈoytyët “ja kutujkën extëmë rey [...] ja axëk jëyujk”. Parë nnijäˈäwëm wiˈixën duˈun tyunäˈäny jyatäˈänyëty, min nˈokˈatsoowëmbijtëm mëgoxkë yajtëˈëwën.
¿Pënatyën jap yajnimaytyakp? Myëduˈuk, yëˈë “ja kujenytyoˈoxy”, mëdiˈibë nanduˈun yajtijp “Babilonyë mëj käjpn”, ets yëˈë yˈandijpy tukëˈëyë ja relijyonk mëdiˈibë kyaj tyëyˈäjtënëty. Myëmajtsk, yëˈë ja “tsapts axëk jëyujk”, mëdiˈibë yˈandijpy ja Organización de las Naciones Unidas mëdiˈibë naxkëdak mä jëmëjt 1919 parë dyajjaˈˈatëdë tuˈugyëˈäjtën abëtsëmy nyaxwinyëdë, ja ijty yaˈixyˈaty Sociedad de Naciones (Diˈibʉ Jat. 17:3-5, JKJ). Ets myëdëgëëk, yëˈë “ja mäjkpë” wäj, mëdiˈibë yˈandijpy tukëˈëyë ja gobiernëtëjk mëdiˈibë pyuwäˈkëdëp ja axëk jëyujk.
¿Wiˈix tuˈugyë nyayaˈitëdë ja kujenytyoˈoxy mët ja axëk jëyujkë tsaptspë? Ko ja kujenytyoˈoxy “ttukˈuˈunyë” ja axëk jëyujk, yëˈëjën yˈandijaampy ko yajpuwäˈkëp, kyëˈamˈäjtypy ets ko tyuktuumpy ti tyimtsojkypy.
¿Wiˈix jyatäˈäny ja kujenytyoˈoxy? Ja axëk jëyujk mët ja mäjkpë wäj mëdiˈibë nety tuˈugyë mëët të yˈittë, axëkˈixanëdëp. Ta net tpëjkëyäˈändë tukëˈëyë tijaty myëdäjtypy ets dyajnigëxëˈëgäˈändë tukëˈëyë ja axëëkˈäjtën mëdiˈibë tyuumpy. Ta net ttunäˈändë mëdiˈibë Jyobaa tsyojkypy: kyutëgoyët ja kujenytyoˈoxy (Apoc. 17:1; 18:8). Duˈunën kyutëgoyaˈany tukëˈëyë ja relijyonk mëdiˈibë kyaj tyëyˈäjtënëty. Per mä duˈun kyatuny kyajatyëtynyëm, ta Jyobaa ttuktunäˈäny ja gobiernëtëjk mëdiˈibë naxwinyëdë jäˈäy kyaj ttimyˈixtënëm.
¿Ti Jyobaa tyuktunaampy ja gobiernëtëjk? Ixtëm të yajnimaytyaˈaky, pyëjktäˈägaampy ja “wyinmäˈäny” mä ja mäjkpë wäj parë tmoˈoyët “ja myëkˈäjtën es ja kyutujkën ja axëk jëyujk”, jaˈa njënäˈänëm, ja Naciones Unidas (Diˈibʉ Jat. 17:13, JKJ). Yäˈädë yëˈë yˈandijpy ko kyaj këˈëm winmäˈäny duˈun ttunäˈäny, yëˈëjënë Jyobaa mëdiˈibë duˈun winmäˈänymyoˈoyanëp (Prov. 21:1; ix nanduˈunë Isaías 44:28). ¿Ets wanaty wanatyë yäˈädë gobiernëtëjk tkëyakäˈändë ja kyutujkën? Kyaj, ajotkumonë duˈun ttunäˈändë ets tuktonyë tkëyakäˈändë. Ko nety ja axëk jëyujk të yajmooytyaˈay ja kutujkën, ta ttunäˈäny mëdiˈibë Jyobaa të ttuknibëjktäägë: dyajkutëgoyaˈany tukëˈëyë ja relijyonk mëdiˈibë kyaj tyëyˈäjtënëty.
¿Ti mëdiˈibë net nˈëwxijt njëjpˈijxëm tyun jyatëdët? Kyaj mbäät yëˈë nˈëwxijt njëjpˈijxëm ets pyëtsëmët mä notisyë ko ja gobiernëtëjk tam wanaty wanaty tpuwäˈkëndë ja Naciones Unidas, yëˈë duˈun etsë Jyobaa ajotkumonë tpëjktäˈägët ja wyinmäˈäny mä ja gobiernëtëjk parë tmoˈoyëdë kutujkën ja axëk jëyujk. Ko duˈun tyun jyatëdët, yëˈë nduknijawëyäˈänëm ko ta nety tyim tsondäˈäganë ja mëj ayoˈon. Pääty, “nˈokˈijtëm wijy kejy es nnayjyëjkuwijtsëm”, ¡mët ko tim tsojk ja tiempë tyëgatsäˈäny! (1 Tes. 5:6, JKJ).