NˈOKˈYAˈËXPËJKËM OYË JÄˈÄY | NNAYJYAWËDË AGUJK JOTKUJK MÄ MGÄJPXWAˈKXY
Nˈokkupëjkëmë nmëguˈukˈäjtëmë nyaybyudëkë
Jyobaa yëˈë yajtuumpy niˈamukë nmëguˈukˈäjtëm parë xypyudëjkëm (1 Peed. 5:9). Pën xytsyiptakxëm nˈëwäˈkx ngäjpxwäˈkxëm, yëˈëjëty xypyudëkëyäˈänëm. Extëm nˈokpëjtakëm, apostëlë Pablo mëjwiin kajaa pyudëjkëdë Áquila, Priscila, Silas etsë Timoteo (Apos. 18:1-5).
¿Wiˈix mbäät mbudëkëtyë wiinkpë nmëguˈukˈäjtëm? Mbäät mˈanëˈëmxëty ti mdunëp ko jäˈäy tkamëdowäˈänëdë Diosë yˈayuk, wiˈix xynyijëmbitët jatëgokë jäˈäy o wiˈix xyaˈëxpëjktsondäˈägët. Winmay pën mbäät mbudëkëty mä mgongregasionk ets anëëmë. Mdukˈoyˈatandëp ets mnaymyëjääwmoˈoyanëdëp nixim niyam (Filip. 1:25).
KO NETY TË YAˈIJXTÄˈÄYË BIDEO AGUJK JOTKUJK NNAYJYÄˈÄWËM KO JÄˈÄY TYËKË ËXPËJKPË. NˈOKKUPËJKËMË JYOBAA NYAYBYUDËKË: MËT YËˈËGYËJXMË NMËGUˈUKˈÄJTËM, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈixë Rita tpudëjkë Coral parë yeˈeytsyondaky reunyonk?
¿Tiko yˈoyëty xyjyamyëdäjtëmë wiinkpë nmëguˈukˈäjtëm mä nëjkxë jäˈäy nyaˈëxpëkäˈänëm?
Parë tuˈugë jäˈäy tpanëjkxëdë Jesus, tsojkëp niˈamukë nbudëjkëm.
¿Wiˈixë nety tyuˈugyë tsyojkënë Coral mëdë Abi?
¿Tijaty mbäät xytyukniˈˈijxëmë nmëguˈukˈäjtëm mä nˈëwäˈkx ngäjpxwäˈkxëm?