Parë mbäät oy mDiosmëduny tsojkëp xyjyatët mëdiˈibë mbäät mbudëkëty. Pën mduumpy duˈun, mbäät mas niˈigyë xynyikëjxmˈaty ja tuunk mä tuˈukmujkën, xypyatyë mduunk parë mbäät xyˈixyë mfamilyë ets mbäät oy mˈity mëdë mëguˈuktëjk. Extëm nˈokpëjktakëm, jat wiˈix oy mjäˈäyët ets mletrëkäjpxët. Biiblyë jyënaˈany ko jotkujk ja jäˈäy yajpääty ets tyukˈoybyëtsëëmpy tijaty kyajpxypy mä Biiblyë ets pyawinmaapy (Sal. 1:​1-3). Ko duˈun ttuny, ta tnijawë wiˈixë Jyobaa wyinmay ets yëˈë pudëjkëdëp parë yajxon tijaty tmëmay tmëdäjy (Prov. 1:​3, 4). Ja nmëguˈukˈäjtëm mëdiˈibë mëët nduˈukmujkëm yajtëgoyˈäjttëp ets pën tijaty tyukniˈˈixëdët ets yˈëwij kyäjpxwijëdët mët yëˈëgyëjxmë Biiblyë. Pën mjäjtypy mjäˈäyët ets mletrëkäjpxët, mbäät xyjyaaybyëtsëmy ja diskursë ets ja komentaaryë mëdiˈibë mbäät mëjwiin kajaa pyudëkëdë nmëguˈukˈäjtëm ets dyajkëktëkëdë ja myëbëjkën. Mbäät nanduˈun xykyujayë tijaty mˈëxpëjkypy duˈun mbäät mnaytyukpudëkëty ets xytyukpudëkë ja wiinkpëty. w23.12 paj. 26, 27 parr. 9-11

Ko nety mduktëkëty tsëˈëgë, pawinmay ti Jyobaa tyunaampy mä tiempë myiny kyëdaˈaky ko nety kyaj yˈokˈanaˈamnë Satanás. Mä asamblee tëgëk xëëbë mëdiˈibë tuunë 2014, ojts tuˈugë nmëguˈukˈäjtëm dyajnaxyë demostrasyonk mëdë fyamilyë mä tnimaytyaktë wiˈixxyëp njukyˈäjtëm mä ja tsujpë it lugäär koxyëp duˈun jyënaˈany 2 Timoteo 3:​1-5: “Mä ja jembyë jukyˈäjtën jantsy agujk jotkujk njukyˈatäˈänëm. Mët ko ja jäˈäyëty tsyokandëp ja jyëëky myëguˈuk, tsyokandëp ja Diosë tyëyˈäjtën, yujy tudaˈaky jyaˈayˈatäˈändë, wyingutsëˈëgëyandëbë Dios, myëmëdowandëbë tyääk tyeety, kyukäjpxëyandëp tijaty, ak oy tijaty ttunäˈändë, naytsyokanëdëp, nayjyaygyukëyanëdëp, kyaj pën nyaynyiˈojëyaˈanyë, nayˈaguwitsëyanëdëp, kyaj awäˈän jyaˈayˈatäˈändë, yëˈë tsyokandëp mëdiˈibë oy, yajtukjotkujkˈatandëp, jaygyukëyandëp, kyaj nyayjyawëyäˈänëdë mëj këjxm, yëˈë tsyokandëbë Dios këdiinëm ja xondakën ets amumduˈukjot tmëdunäˈändë. Mmëwingondë yëˈëjëty”. ¿Nnimaytyakëm xëmë mëdë familyë etsë nmëguˈukˈäjtëm wiˈix njukyˈatäˈänëm mä ja tsujpë it lugäär? w24.01 paj. 6 parr. 13, 14

¡Jantsy jotkujk nnayjyäˈäwëm ko ‘Dios tyukxondakypy yëˈë nyax kyäjpn’! (Sal. 149:​4, TY). Per mbäät näägë nmëguˈukˈäjtëm tëgatsy nyayjyawëdë etsë net wyinmaytyë: “Dios jyantsy tyukxondakypyë nyax kyäjpn, per ¿nan xytyukxondakpëtsëdaa?”. Nimayë Diosmëduumbëty mëdiˈibë tëëyëp jukyˈäjttë nanduˈun wyinmääytyë (1 Sam. 1:​6-10; Job 29:​2, 4; Sal. 51:11). Biiblyë xyˈanmäˈäyëm ko oy pokyjyaˈay nyajpatëm mbäädë Jyobaa xykyupëjkëm. ¿Ti tsojkëp nduˈunëm? Nyajnigëxëˈkëm ko nmëbëjkëmë Jesus ets nnëbajtëm (Fwank 3:16). Duˈunë nety nyajnigëxëˈkëm mayjyaˈay wyinduuy ko të njodëmbijtëm ets ko të Dios ndukwandakëm ko nmëdunäˈänëm (Apos. 2:38; 3:19). Jyobaa jantsy jotkujk nyayjyawëty ko duˈun nduˈunëm parë niˈigyë nmëwingoˈonëm. Pën nduˈunëmë mëjääw parë nguytyuˈunëm extëmë Jyobaa ojts ndukwandakëm, ta oy mëët nˈijtëm ets xykyupëjkëm (Sal. 25:14). w24.03 paj. 26 parr. 1, 2