Nĩatĩa wonaga Bibiria?

ŨRĨA BIBIRIA YUGAGA

‘O ruteto runthe rwekiirwe ni Murungu nkorone ya muntu uria warwandikire.’​—2 Timotheo 3:16, The Bible in Kimeru, 1964.

ŨRĨA ŨNTŨ BŨBŨ BŨŨMBA GŨGŨTETHIA

Gũgũcokeria biũria bibiũmo bia ũtũũro na njĩra ya kũng’anĩrwa.​—Njuno 2:1-5.

Gũkwaa kĩrĩra kĩa gũgũtongeeria mũtũrĩrene.​—Zaburi 119:105.

Gũkwaa wĩrĩgĩĩru o bwa mma bwa ĩgiita rĩrĩa rĩĩjĩte.​—Aroma 15:4.

NO TWĨTĨKIE BURU ŨRĨA BIBIRIA YUGAGA?

Ĩĩ, nĩũntũ bwa itũmi bibi bithatũ:

• Ũgwatanĩri bwa kũrigaria. Bibiria yandĩkĩrwe nĩ antũ 40 mwanya mwanya, na yajũkĩrie ĩgiita rĩa mĩaka nkũrũki ya 1,600 kwaandĩkwa. Bamwe bao batoonana. Ĩndĩ, maandĩko jonthe nĩjagwatanagĩra, na nĩ jakumithagia Mũrungu na Ũnene bwawe.

• Mantũ ja mma ja karaaja. Aandĩki ba mantũ ja karaaja nĩbaithaga gũcindwa kwao na kwa antũ bao. Ĩndĩ nĩ mwanya na aandĩki ba Bibiria barĩa baandĩkĩre mathũũkia jao bongwa na ja mĩgongo yao.​—2 Mantu ja Karaja 36:15, 16; Zaburi 51:1-4.

• Ũroria bwa mma. Bibiria nĩyaroretie kũthirua kwa mũciĩ jwa Babĩloni mĩaka 200 mbere. (Isaya 13:17-22) Ĩtoonanĩtie akĩ ũrĩa mũciĩ jwa Babĩloni jũkaagwa, ĩndĩ nkũrũki nĩyonanĩtie kinya riĩtwa rĩa mũnene ũrĩa ũkajũciinda.​—Isaya 45:1-3.

  Morooria jangĩ ja Bibiria kinya jo nĩjojũrĩtue kinya kĩrĩ mantũ jamaniini. Bũu tĩbu tũbwĩrĩte kwĩrĩgĩĩra kĩrĩ Rũteto rwa Mũrungu?​—2 Petero 1:21.