Ũnene bwa Mũrungu Nĩmbi?

ŨRĨA BIBIRIA YUGAGA

“Murungu wa Iguru akarikia unene buria butikaritharua kinya ri.”​—Danieli 2:44, The Bible in Kimeru, 1964.

“Twi nituciariri mwana, twaewa mwana wa kaiji; nabu wathani bugakara gituro kiawe.”​—Isaya 9:6.

ŨRĨA ŨNTŨ BŨBŨ BŨŨMBA GŨGŨTETHIA

• Thirikarĩ ĩmbagĩru ĩrĩa yũmba gũkũguna gwe wengwa.​—Isaya 48:17, 18.

• Ũtũũro bũrĩna kũgwĩrua na ũgima bwa mwĩrĩ bũbũjũru, ndeene ya nthĩgũrũ ĩnjerũ ĩrĩã ĩjĩte.​—Kugwurirwa 21:3, 4.

NO TWĨTĨKIE BURU ŨRĨA BIBIRIA YUGAGA?

Ĩĩ, nĩũntũ bwa itũmi bibi biĩrĩ:

• Jesũ nonanĩrie jarĩa Ũnene bwa Mũrungu bũkojũria. Jesũ aritanĩre athingati bawe barombage Ũnene bwa Mũrungu bwĩje na wendi bwa Mũrungu bũthithĩke nthĩgũrũne. (Mathayo 6:9, 10) Jesũ nonanĩrie ũrĩã ĩromba rĩu rĩgacokua.

  Rĩrĩa Jesũ arĩ nthĩgũrũne, nanyirĩrie barĩa barĩ na mpara, noorerie barĩa baajĩtue, na arariũkia akuũ! (Mathayo 15:29-38; Johana 11:38-44) Ta Mũnene wa ĩgiita rĩjĩte wa Ũnene bwa Mũrungu, Jesũ nonanĩrie na njĩra ĩnjega ũrĩa Ũnene bũkathithĩria barĩa aathĩki.​—Kugwurirwa 11:15.

• Mantũ jarĩa jarĩ nthĩgũrũne jarĩonania atĩ Ũnene bwa Mũrungu bũrĩ akuĩ kwĩja. Jesũ arorerie atĩ, mbere ya Ũnene bũtĩrareta thĩĩri nthĩgũrũne, gũkethĩrwa na ndwaa, mpara na ithingithia bia nthĩ.​—Mathayo 24:3, 7.

  Narua nĩtũkwona mantũ jau. Kwou tũrĩ na mma atĩ, Ũnene bwa Mũrungu bũkathiria mathĩĩna jau jonthe kagiita gatĩkũraaja.