Mĩthangĩko rĩ, kũrĩ rĩo ĩkathira?

ŨRĨA BIBIRIA YUGAGA

“Murungu . . . akaangura methori jonthe jaume methone jao; na gikuu gutirio gigacoka gukara o kairi; na gutirio gugacoka kugita kieba kana kiriro, kana kinya murimo.”​—Kugwurirwa 21:3, 4, The Bible in Kimeru, 1964.

ŨRĨA ŨNTŨ BŨBŨ BŨŨMBA GŨGŨTETHIA

Kũmenya ũũma atĩ Mũrungu tĩwe ũretaga mathĩĩna.​—Jakubu 1:13.

Nĩtũboragĩrua kũmenya atĩ Mũrungu atigagua bwega rĩrĩa tũkũthangĩka.​—Zekaria 2:8.

Kwĩrĩgĩĩra atĩ mĩthangĩko yonthe ĩkathira.​—Zaburi 37:9-11.

NO TWĨTĨKIE BURU ŨRĨA BIBIRIA YUGAGA?

Ĩĩ, nĩũntũ bwa itũmi bibi biĩrĩ:

• Mũrungu nathwĩre mĩthangĩko na waagi bwa ĩota. Thũganĩria ũrĩa Jehova Mũrungu aigĩrue karaaja rĩrĩa antũ bawe bathangĩkagua. Bibiria yugaga atĩ naigĩrue bũthũũku nĩ “untu bwa baria babainyagiriria na bakabathangikia.”​—Aathurani 2:18.

  Mũrungu naigagua bũbũĩ mono nĩ ũntu bwa barĩa bathithagĩria bangĩ mantũ jamathũku. Kwa ngerekano, Bibiria yugaga atĩ “njara iria ciiturite tharike ya muntu uti na ithukia” Mũrungu nabathwĩre.​—Njuno 6:16, 17.

• Mũrungu natũmenyagĩĩra tũrĩ o muntũ ũmwe ũmwe. Jehova atwĩkagĩra inya tũmũnenkere mathĩĩna jetũ jonthe tontũ, ‘niwe wenka utumenyagiira.’​—1 Petero 5:7.

  Gũkũrũkĩĩra Ũnene bwawe, Jehova akathirĩria o muntũ mĩthangĩko yawe kagiita gatĩ kũraaja. (Mathayo 6:9, 10) Ĩndĩ kagiitene gaka, naboragĩria barĩa bamũcwaga na nkoro intheru.​—Mathithio 17:27; 2 Akorintho 1:3, 4.