Nĩmbi ĩretaga kũgwĩrua mũtũũrĩrene jwa nja?

ŨRĨA BIBIRIA YUGAGA

“Kitharimo nkuruki ni kiri baria baigagua ruteto rwa Murungu, bakarumenyeera.”—Luka 11:28, The Bible in Kimeru, 1964.

ŨRĨA ŨNTŨ BŨBŨ BŨŨMBA GŨGŨTETHIA

Kwĩthĩrwa na wendo bwa mma.​—Aefeso 5:28, 29.

Kũgwĩrĩrua gĩtĩĩo kĩa mma.​—Aefeso 5:33.

Kwĩthĩrwa na ngwatanĩro.​—Mariko 10:6-9.

NO TWĨTĨKIE BURU ŨRĨA BIBIRIA YUGAGA?

Ĩĩ, nĩũntũ bwa itũmi bibi biĩrĩ:

• Mũrungu nĩwe wambĩrĩrie mũtũũrĩre jwa nja. Bibiria yugaga atĩrĩ, “uria waere miriga yonthe ya Iguru na guku nthi mariitwa jayo.” (Aefeso 3:14, 15) Kũũ nĩkuuga Jehova nĩwe wambĩrĩrie mũtũũrĩre jwa nja. Nĩkĩ ũntũ bũũ bũrĩ bwa gĩtũmi?

  Thũganĩria ũkĩrĩjaga irio bigũcema bwega mono na nũkwenda kũmenya njĩra ya kũbiruga, nũũ ũũmba kũũria? Nĩ mma nonga mũrugi wabio.

  Nou kinya kĩrĩ kũgwĩrĩrua mũtũũrĩre jwa nja, no mwanka tũritanwe nĩ Jehova ũrĩa wambĩrĩrie mũtaratara jwa nja.​—Kiambiriria 2:18-24.

• Mũrungu nakũmenyagĩĩra. Nja nĩciagĩrĩte gũcwa kĩrĩra kĩa Jehova kĩrĩa aejanĩte gũkũrũkĩĩra Rũteto rwawe. Nĩkĩ? “Nikwithirwa niwe wenka ukumenyagiira.” (1 Petero 5:6, 7) Jehova nakwendete mono na mataaro jawe nĩjatumĩkaga magiita jonthe!—Njuno 3:5, 6; Isaya 48:17, 18.