Nũũ wengwa wathaga nthĩgũrũ ĩjĩ?

ŨRĨA BIBIRIA YUGAGA

“Nthĩgũrũ yonthe ĩrĩ waathaniine bwa ũrĩa Mũũĩ.”​—1 Johana 5:19, Kimeru Bible, 2010.

‘Mwana wa Murungu agwurirwe nikenda eenyangia ngugi cia Nkoma.’​—1 Johana 3:8, The Bible in Kimeru, 1964.

ŨRĨA ŨNTŨ BŨBŨ BŨŨMBA GŨGŨTETHIA

Kũmenya nĩkĩ nthĩgũrũ ĩrĩ na mathĩĩna jamaingĩ.​—Kugwurirwa 12:12.

Gwĩtĩkia atĩ nthĩgũrũ ĩkagarũka yee ĩnthongi.​—1 Johana 2:17.

NO TWĨTĨKIE BURU ŨRĨA BIBIRIA YUGAGA?

Ĩĩ, nĩũntu bwa itũmi bibi bithatu:

• Wathani bwa Shaitani bũrĩ akuĩ kũthirua. Jehova arĩna wendi bũbũnene bwa kũthiria wathani bwa Shaitani. Atwĩrĩte ‘akenyangia Nkoma’ na akathongomia mantũ jonthe jarĩa Shaitani athũkangĩtie.​—Ahibirania 2:14.

• Mũrũngu nathuurĩte Jesũ Kristo ae Mũnene wa nthĩgũrũ. Jesũ nĩ wa mwanya mono na Shaitani, ũrĩa ũkwatha nthĩgũrũ nandĩ tontũ nĩ ũmũĩ na mũciendi. Mantu jegie ũnene bwa Jesũ, Mũrungu augĩte: “Uria uti na inya, na uria uri nkia, we akabaigagiirua kiao . . . Agakuura nkoro ciao ni untu bwa kumenwa na tenguri.”​—Zaburi 72:13, 14.

• Mũrungu atĩũmba kwaria ũrongo. Bibiria yugaga ũũ cararũkũ: “Murungu atiumba kwairania.” (Ahibirania 6:18) Rĩrĩa Jehova aejana wĩrane bwa kũthithia ũntũ, nĩteka abũjũrĩtie! (Isaya 55:10, 11) ‘Munene wa nthiguru iji akeengwa.’​—Johana 12:31.