KAHA 7

Iesu be Daika?

Iehova ese Iesu na tanobada e siaia. 1 Ioane 4:9.

Iesu na Dirava imana idibana kahanai guba ai

Bema ita na ta uramu Iehova baita hamoalea, tau hereadaena ma ta baita kamonai henia na namo. Adam do se karaia neganai, Iehova ese guba ai siahu bada aneruna ta e havaraia guna.

Gabeai, Iehova ese e siaia tanobada ai, bona Betelehem ai haneulato ta ladana, Maria ese e havaraia. Una beibi ladana na Iesu.—Ioane 6:38.

Iesu ese Iehova sivaraina na haida e hadibadiamu

Tanobada ai, Iesu ese Dirava ena kara idauidau e hahedinarai ğoevağoeva. Ia na mai ena hebogahisi, lalokau, bona taunimanima ese e ura henia badava. Ia ese Iehova sivaraina momokanina na ma haida e hadibalaidiava, ta garina se gariva.

Iesu na kara dikana ta se karaia, to haida ese e inai heniava. 1 Petro 2:21-24

Iesu ese kekeni ta na mase amo e hamauria lou bona gorere tauna ta e hanamoa

Dubu e gunalaiava taudia na Iesu e inai heniava, badina ia ese edia hahediba koikoidia bona kara dikadia e hahedinaraidiava.

Danu, Iesu ese gorere taudia e hanamodiava bona e mase taudia haida e hamauridiava.

Dubu e gunalaiava taudia ese Roma taudia lalodia e ani Iesu bae dadabaia bona bae hamasea totona.