Salamo

62 Andriamanitra no andrasako amim-panginana.+

Fa avy aminy ny famonjena ahy.+

 2 Izy tokoa no vatolampiko sy mpamonjy ahy, eny, tendrombohitra fandosirako,+

Ka tsy hangozohozo loatra aho.+

 3 Mandra-pahoviana ianareo no hikoropaka hamely ny olona tianareo hovonoina?+

Ianareo rehetra dia toy ny manda mitongilana, eny, manda vato efa hirodana.+

 4 Manoro hevitra izy ireny nefa ny hahavery haja ny olona no kendreny,+

Mahafinaritra azy ny lainga.+

Am-bava izy mirary soa, nefa ao am-pony izy manozona.+ Sela.

 5 Hiandry an’Andriamanitra amim-panginana tokoa aho,+

Satria izy no antenaiko.+

 6 Izy tokoa no vatolampiko sy mpamonjy ahy, eny, tendrombohitra fandosirako,+

Ka tsy hangozohozo aho.+

 7 Avy amin’Andriamanitra ny famonjena ahy sy ny voninahitro.+

Vatolampy mafy sy fialofana ho ahy Andriamanitra.+

 8 Matokia azy foana, rey olona!+

Aoka ianareo hamboraka aminy ny ao am-ponareo.+

Fialofantsika Andriamanitra.+ Sela.

 9 Toy ny fofonaina ihany ny zanak’olombelona,+

Tsy azo ianteherana ny taranak’olombelona.+

Mbola maivana noho ny fofonaina izy rehetra, raha atao eo ambony mizana.+

10 Aza miantehitra amin’ny fanambakana,+

Ary aza matoky ny fandrobana, fa zava-poana izany.+

Na mitombo aza ny fanananareo, dia aza manankim-po amin’izany.+

11 Indray mandeha no nitenenan’Andriamanitra, ary indroa no nandrenesako hoe:+

An’Andriamanitra ny hery.+

12 Anao koa ny hatsaram-panahy feno fitiavana, Jehovah ô,+

Fa ianao no mamaly ny tsirairay araka ny asany.+