Volana Manokana Iray ho Amin’ny Asa Fitoriana
1 Moa ve ny volana Desambra mety ho volana manokana ho anao amin’ny asa fitoriana? Mety hilaina ny hanaovana fanamboarana sasantsasany amin’ny fanao mahazatra anao, nefa tsy mendrika an’izany ve ireo valisoa?
2 Ny sasany amin’ireo mpitory tanora vita batisa dia hanana andro tsy fianarana amboniny ary mety haniry ny hiditra ho mpisava lalana mpanampy mandritra io volana io. Endre ny fampaherezana ho azon’izy ireo amin’ny fiarahana miasa amin’ny sasantsasany amin’ireo loholona sy mpikarakara momba ny asa ary mpitory hafa eny am-pitoriana! Raha tsy mamela anao hanao ny asan’ny mpisava lalana mandritra io volana io ny toe-javatra manokana, dia mety aminao ve ny handany ora vitsivitsy amboniny fotsiny amin’ny fanompoana miaraka amin’ireo izay hanao ny asan’ny mpisava lalana? Izany dia azo antoka fa hampahery ny andaniny avy.
3 Raha samy manao ezaka fanampiny ireo mpitory rehetra, dia ho afaka handamina fitoriana miaraka isan’andro ireo loholona mandritra ny vanin-taonan’ny fety, hany ka hanana namana hiara-miasa aminy foana amin’ny asa fitoriana ireo izay afaka manao ny asan’ny mpisava lalana.
4 Izao no fotoana, ho an’ny isam-batan’olona sy ny fitambaran’ny mpianakavy ary eo amin’ny ambaratongan’ny kongregasiona koa, hanaovana fandaharana mba ho volana manokana ho amin’ny asa fitoriana ao amin’ny kongregasionanareo ny volana Desambra.