Fivoriana Momba ny Asa Amin’ny Janoary
Herinandron’ny 2 Janoary
10 min: Fampandrenesana eo an-toerana sy fampandrenesana avy ato amin’ny Ny Fanompoantsika Ilay Fanjakana.
15 min: “Nekena ho Ara-dalàna Indray ny Fikambanan’ny Vavolombelon’i Jehovah”. Lahateny ataon’ny loholona iray.
20 min: “Fampiasana Tsara Ireo Boky Tranainy ao Amintsika”. Fiaraha-mandinika ilay lahatsoratra amin’ny mpanatrika. Ampahafantaro amin’ny kongregasiona izay boky tranainy misy ao; ampirisiho izy ireo haka amin’izany, mba hampiasainy eny amin’ny fanompoana. Manaova fandaharana mba hisian’ny fampisehoana fohy iray na roa ampiasana ireo fomba fampiseho anipazan-kevitra.
Herinandron’ny 9 Janoary
15 min: Fampandrenesana eo an-toerana. Filazana momba ny toe-bola. Mandiniha lafin-javatra mahaliana ao amin’ny bokikely Rehefa Nody Mandry ny Olona Iray Tianao. (Jereo Ny Fanompoantsika Ilay Fanjakana, Oktobra 1994, pejy 7.) Ampirisiho ny rehetra mba hanana sasantsasany amin’izy io eny aminy sy honolotra azy io isaky ny mety.
15 min: “Asa Fiandrasana Izay Mampandroso”. Lahateny ataon’ny loholona iray, miorina amin’ny fanazavana eo ambanin’ilay lohatenikely eo amin’ny pejy faha-21-23 ao amin’ny Ny Tilikambo Fiambenana tamin’ny 15 Septambra 1993. Asongadino ny torohevitra araka ny Soratra Masina izay manampy antsika hisetra zava-manahirana.
15 min: Vonona ny Hiatrika Tarehin-javatra Ara-pitsaboana Iray Izay Hisedra ny Finoanao ve Ianao? Lahateny maotina nefa manosika hanao zavatra, ataon’ny loholona mahay iray mba hanampiana ireo rahalahy hahatakatra ny fiarovana omen’ny karatsika hoe Fitakiana Mialoha Ara-pitsaboana/Fanalana Andraikitra sy ny Karatra Famantarana. Avereno ilay fandaharana tamin’ny volana Janoary tamin’ny taon-dasa, mba hahazoana antoka fa izay rehetra mahafeno fepetra ka maniry io fiarovana io dia afaka ny hahazo azy amin’ny famenoana ireo karatra ireo. Jereo Ny Fanompoantsika Ilay Fanjakana, Janoary 1994, pejy 2, eo ambanin’ny hoe “Herinandron’ny 10 Janoary”, mba hahazoana tsipiriany kokoa.
Herinandron’ny 16 Janoary
10 min: Fampandrenesana eo an-toerana. Mandiniha hevitra azo resahina avy ao amin’ireo gazety farany. Ampirisiho ny rehetra handray anjara amin’ny asa fitoriana amin’izao faran’ny herinandro izao.
18 min: “Manehoa Fiheverana ny Hafa — Fizarana Voalohany”. Fanontaniana sy valiny. Manomeza fampahatsiahivana ny amin’ny ilan’ireo loholona hiara-miasa akaiky eo amin’ny fijerena fa voakojakoja tsara ny tafon-trano, ny plomberie (fantsona fandehanan-drano), ny fampangatsiahana, ny fanafanana, ny elektrisite ary koa ny fisian’ny fiarovana ao amin’ny Efitrano Fanjakana.
17 min: “Asehoy fa Miahy ny Olona Ianao Amin’ny Fanaovana Fiverenana Mitsidika”. Mpitory roa na telo miara-mandinika ny zava-kendren’ny fanaovana fiverenana mitsidika sy ny maha-zava-dehibe azy io. Antitrantero ny fikendrena hanomboka fampianarana. Diniho ireo fomba fampiseho anipazana hevitra. Asio fampisehoana iray na roa, ka hanome teny fiderana sy fanipazan-kevitra mba hihatsarana ireo mpitory roa na telo.
Herinandron’ny 23 Janoary
5 min: Fampandrenesana eo an-toerana.
15 min: Zavatra ilaina eo an-toerana.
10 min: “Ny Fomba Handaminana Fitahirizam-boky Teokratika Iray”. Lahateny miorina amin’ny Ny Tilikambo Fiambenana tamin’ny 1 Novambra 1994, pejy 28-31.
15 min: “Fianarana Manokana — Raharaha Tokony Hahina”. Fanontaniana sy valiny. Asio teny nofantenana sasany miorina amin’ny Ny Tilikambo Fiambenana tamin’ny 15 Septambra 1985, pejy 8-13.
Herinandron’ny 30 Janoary
10 min: Fampandrenesana eo an-toerana. Vaovao Teokratika.
17 min: “Zavatra Be dia Be Hatao Foana”. Fanontaniana sy valiny. Manaova fandaharana mba hisian’ny fanadinadinana fohy roa na telo mpitory be zavatra hatao, toy ny hoe loholona, mpikarakara tokantrano, na mpisava lalana; angataho izy ireo mba hanazava ny fomba ahafahany mihazona fandaharam-potoana feno no sady mbola mihazona ny fifaliany ihany.
18 min: Manolora ny Boky Hiaina Mandrakizay Amin’ny Febroary. Hazavao hoe nahoana no ilain’ny olona ny fanazavana raketin’io boky io. (Jereo Ny Tilikambo Fiambenana tamin’ny 1 Jolay 1988, pejy 25-26, fehintsoratra 17, 18.) Mitantarà vetivety fanandraman-javatra mampiseho ny fankasitrahan’ny olona tso-po izay namaky azy io. (Jereo Ny Tilikambo Fiambenana tamin’ny 1 Desambra 1989, pejy 32.) Manomeza fanipazan-kevitra sasany mampiseho ny fomba azontsika anombohana fampianarana Baiboly amin’ny olona liana nametrahantsika ny boky Hiaina Mandrakizay. Asao ny mpitory mahay iray hanao fampisehoana fohy ampiasana ny fomba fampiseho faharoa eo ambanin’ilay lohatenikely hoe “Fiainana/Fahasambarana” ao amin’ny boky Fanjohian-kevitra, eo amin’ny pejy faha-12. Na mampiasà fomba fampiseho iray hafa mifanentana amin’ny faritany eo an-toerana. Ampahatsiahivo ny mpanatrika mba haka zavatra vita an-tsoratra hampiasainy eny amin’ny fanompoana amin’itỳ herinandro itỳ.