Fivoriana Momba ny Fanompoana Amin’ny Jona
Herinandron’ny 5 Jona
12 min: Fampandrenesana eo an-toerana sy Fampandrenesana nofantenana avy ato amin’ny Ny Fanompoantsika Ilay Fanjakana. Diniho ireo zava-panao amin’ny fotoam-pialan-tsasatra ho avy; ampahatsiahivo ny rehetra mba harisika hatrany eo amin’ny fanompoana sy hamonjy ireo fivoriana ary hamerina filazana asa.
15 min: “Manome Hery i Jehovah”. Fanontaniana sy valiny. Mitantarà fanandraman-javatra avy ao amin’ny Ny Tilikambo Fiambenana (Frantsay) tamin’ny 1 Febroary 1992, pejy faha-32.
18 min: “Ampitomboy ny Fahalianana Amin’ny Fanjakam-piadanan’Andriamanitra”. Fiaraha-mandinika amin’ny mpanatrika. Mampanaova fampisehoana roa ny amin’ny fomba hampiasana ireo fomba fampiseho anoloran-kevitra. Ampidiro ao ny fanoloran-kevitra fohy sasany momba ny fomba hanaovana fiverenana mitsidika, ny fanolokoloana ny fahalianana tamin’ny fametrahana ny Vaovao Momba Ilay Fanjakana nozaraina nandritra ny Aprily sy May.
Herinandron’ny 12 Jona
10 min: Fampandrenesana eo an-toerana. Filazana momba ny toe-bola.
17 min: “Kristy, Modely Iray ho An’ny Tanora”. Fanontaniana sy valiny. Ampidiro eto ny fanazavana avy ao amin’ny Ny Tilikambo Fiambenana tamin’ny 1 Desambra 1986, pejy faha-4-6.
18 min: “Mandrisiha ho Amin’ny Fitomboana, Amin’ny Alalan’ny Fiverenana Mitsidika Misy Heviny”. Ny mpitarika ny Fianarana ny Bokin’ny Kongregasiona dia mandinika ilay lahatsoratra miaraka amin’ny mpitory roa na telo, ary avy eo izy dia mandinika ny fomba hampiasana ilay fanazavana. Manao fanazaran-tena izy ireo amin’ny fanaovana fampisehoana eo amin’izy samy izy, ny amin’ireo fomba fampiseho anoloran-kevitra.
Herinandron’ny 19 Jona
10 min: Fampandrenesana eo an-toerana. Manaova fampisehoana fohy roa na telo ny amin’ny fomba fampiseho gazety, izay azo ampiasaina amin’ny fanompoana eny amin’ny saha amin’itỳ herinandro itỳ.
18 min: Anehoy Fankasitrahana ny Hafa. Lahateny ataon’ny loholona iray, miorina amin’ny Ny Tilikambo Fiambenana tamin’ny 1 Desambra 1994, pejy faha-28-30. Hamafiso ny ilana ny hanomezam-boninahitra sy fiahiana feno fitiavana ny hafa ao amin’ny kongregasiona.
17 min: “Ampiasao Amin’ny Fomba Tsara ny Fotoananao”. Fanontaniana sy valiny. Momba ny fotoana lany ijerena televiziona, dia diniho ireo fanoloran-kevitra eo ambanin’ilay lohateny hoe “Fifehezana e!” ao amin’ny pejy faha-11 amin’ny Mifohaza! No. 1/1992.
Herinandron’ny 26 Jona
15 min: Fampandrenesana eo an-toerana. Resaho fohy ny maha-zava-dehibe ny fanaovana fiverenana mitsidika. Ny tapany lehibe indrindra amin’ny asa fampianarantsika dia atao rehefa miverina mba hanolokolo fahalianana isika. Olom-bitsy no afaka manao fandrosoana ara-panahy amin’ny alalan’ny zavatra vita an-tsoratra fotsiny. Rehefa tsy miverina mitsidika isika, dia verintsika ny fahafahantsika tsara indrindra hanampy azy ireny. Ny fiverenana mitsidika no miteraka fampianarana Baiboly. Mpitory maro no nahita vokatra faran’izay tsara tamin’ny fiverenana tao anatin’ny iray na roa andro toy izay hiandry herinandro. — Jereo ny boky Voalamina, pejy faha-88-89.
15 min: Valin’ireo Fanontanianareo. Fanontaniana sy valiny, hataon’ny mpitarika ny Fianarana Ny Tilikambo Fiambenana. Manaova teny fanampiny miorina amin’ny Boky ho An’ny Sekoly, pejy faha-91-92.
15 min: Diniho ny zavatra vita an-tsoratra atolotra amin’ny Jolay. Diniho ireo lafiny mampiavaka an’ireo bokikely ananan’ny kongregasiona ao amin’ny tahiry. Mampanaova fampisehoana fohy momba ny fomba ahafahana manolotra azy ireo eny am-baravarana.