Fivoriana Momba ny Fanompoana Amin’ny Martsa
Herinandron’ny 4 Martsa
10 min: Fampandrenesana eo an-toerana. Fampandrenesana nofantenana avy ato amin’ny Ny Fanompoantsika Ilay Fanjakana.
15 min: “Mankalazà An’i Jehovah ‘Tontolo Andro’ ”. Fanontaniana sy valiny. Vakio ny fehintsoratra 2-5 raha mamela ny fotoana. Manomeza fampaherezana manorina momba ny asan’ny mpisava lalana mpanampy sy maharitra.
20 min: “Mitarika ho Amin’ny Fiainana ny Fahalalana An’ilay Andriamanitra Marina”. Diniho ireo fomba fampiseho anolorana hevitra. Asio fampisehoana iray na roa.
Herinandron’ny 11 Martsa
10 min: Fampandrenesana eo an-toerana. Tatitra momba ny kaonty.
20 min: “Mandraisa Soa avy Amin’ny Sekolin’ny Fanompoana Teokratika Amin’ny 1996 — Fizarana Faha-3”. Lahateny ataon’ny mpiandraikitra ny sekoly. Ampirisiho izay rehetra afaka, mba hisoratra anarana sy hanatanteraka amim-pahatokiana ny anjarany.
15 min: Miaraha Manao Zavatra Amin’ny Maha-fianakaviana. Miresaka tsotra fotsiny amin’ny fianakaviany ny ray iray momba ny ilana fanaovan-javatra miaraka, miorina amin’ny Ny Tilikambo Fiambenana 1 Septambra 1993, pejy 16-19. Mifantoha amin’ny fianaram-pianakaviana sy ny asan’ny evanjelisitra. Asehoy ny faharavan’ny firaisan-tsain’ny fianakaviana maoderina, noho izy tsy mandany fotoana firy hiarahana sy zara raha manan-javatra iombonana. Ny fiaraha-mianatra ny Tenin’Andriamanitra sy ny fiaraha-mandray anjara amin’ny fanompoana dia fitahiana ho an’ny fianakaviana kristiana. Antitrantero ny ilan’ny ray handamina tsara ireo zavatra ireo sy ny ilan’ny reny hiara-miasa aminy. Ireo ankizy dia tokony haneho fahalianana amin’ny fanaovan-javatra ara-panahy, ka hiara-miasa akaiky amin’ny ray aman-dreniny. Ho tafaray ny fianakaviana ka hohatanjahina mba hiatrika ireo fanerena mihamitombo hanahaka an’izao tontolo izao.
Herinandron’ny 18 Martsa
10 min: Fampandrenesana eo an-toerana. Ireo izay mitarika fampianarana dia tokony hampirisika ireo vaovao izay mandroso tsara amin’ny fianarany Baiboly hiezaka mba ho tonga mpitory tsy vita batisa. Afaka manampy ny zanany ho tonga mpitory koa ny ray aman-dreny. Diniho ny fomba fanaovan-javatra anoroana hevitra voasoritra ao amin’ny Voalamina mba Hanatanteraka Tsara ny Fanompoantsika, pejy 97-100.
15 min: Hanao lahateny miorina amin’ny boky Voalamina, pejy 113-115, ny mpiandraikitra ny fanompoana. (Jereo ny asan’ny mpisava lalana mpanampy sy maharitra ary manokana.)
20 min: “Ampio ny Hafa Hahazo Ilay Fahalalana Izay Mitarika ho Amin’ny Fiainana”. Diniho ireo fomba fampiseho anolorana hevitra mba hampiasaina amin’ny fiverenana mitsidika. Asio fampisehoana iray na roa eto. Antitrantero ny fanaovana ho tanjona ny fanombohana fampianarana.
Herinandron’ny 25 Martsa
15 min: Fampandrenesana eo an-toerana. Diniho ny “Fampahatsiahivana Momba ny Fahatsiarovana”. Hazavao ny antony maha-zava-dehibe ny hanatrehana azy io. (Jereo Ny Tilikambo Fiambenana, 15 May 1985, pejy 16-18.) Diniho ny fandaharana natao hanampiana ireo zokiolona sy kilemaina ary vaovao mba hahatongavany. Resaho ny fandaharana ho amin’ny fampitomboana ny asa eo amin’ny fanompoana eny amin’ny saha mandritra ny herinandro ho avy.
15 min: Valin’ireo Fanontanianareo. Lahateny ataon’ny loholona iray. Resaho ny antony izay manosika antsika ho malala-tanana, araka ny voasoritra ao amin’ny Ny Tilikambo Fiambenana, 1 Aprily 1992, pejy 26-27.
15 min: “Fiomanana — Fanalahidin’ny Fahombiazana”. Fanontaniana sy valiny. Lazao fa hanolotra Ny Tilikambo Fiambenana sy ny Mifohaza! isika mandritra ny Aprily sy May. Manaova fiomanana dieny izao amin’ny fanafarana gazety amboniny sy amin’ny fakana taratasy fanaovana famandrihana ary amin’ny fanaovana planina mba hanohanana ny fandaharan’ny kongregasiona ho amin’ny Andro Fizarana Gazety.