Fandaharana Amin’ny Fivoriana Momba ny Fanompoana
Herinandron’ny 8 Septambra
10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Ampirisiho ny rehetra hijery indray ny fandraisany an-tsoratra tamin’ny fandaharan’ny fivoriamben’ny faritra tamin’ny taom-panompoana lasa, mba hanomanana ny Fivoriana Momba ny Fanompoana amin’ny herinandro manaraka. Manaova fampisehoana roa, miorina amin’ny fanoloran-kevitra ao amin’ny pejy 4, mba hametrahana Ny Tilikambo Fiambenana 1 Septambra sy Mifohaza! 8 Septambra. Ataovy toy ny tena izy mihitsy ilay fitoriana. Ataovy mpianatra na ray na reny mitory amin’ny mpampianatra, ny iray amin’ireo fampisehoana ireo.
10 min: Taratasy avy Amin’ny Sampana. Fiaraha-midinika ataon’ny mpitory efa ela, tsara kokoa raha anti-panahy, sy mpitory tanora. Manontany ilay mpitory tanora raha hitan’ilay mpitory za-draharaha ilay taratasy avy any amin’ny biraon’ny sampana, ao amin’ny Fanompoantsika Ilay Fanjakana. Manazava ilay mpitory za-draharaha fa nampiavaka Ny Fanompoantsika Ilay Fanjakana nandritra ireo taona 1960 sy 1970 ny taratasy avy amin’ny sampana. Resahin’izy ireo avy eo ilay taratasy eo amin’ny pejy voalohany, ka asongadiny ny hevi-dehibe.
25 min: “Ry Tanora, Ataovy Tsara Fototra ny Hoavinareo.”a Hataon’ny anti-panahy, ka ny fanontaniana efa ao no ampiasaina. Rehefa eo amin’ny fehintsoratra 5, dia asongadino ny fifaliana sy ny fitahiana azo amin’ny fanompoana manontolo andro.
Herinandron’ny 15 Septambra
10 min: Fampandrenesana eo an-toerana. Tatitra momba ny kaonty.
10 min: “Fianarana ny Boky Mivavaha.” Lahateny ataon’ny mpiandraikitra fianarana boky. Resaho ny momba ilay fandaharam-pianarana. Rehefa eo amin’ny fehintsoratra fahefatra, dia milazà hevitra avy ao amin’ny boky Sekolin’ny Fanompoana pejy 28, fehintsoratra 1, sy pejy 70.
25 min: “Matokia An’i Jehovah Hianao, ka Manaova Soa.” (Sal. 37:3) Fiaraha-midinika amin’ny mpanatrika miorina amin’ireto fanontaniana ireto, izay manasongadina ny hevi-dehibe tamin’ny fandaharan’ny fivoriamben’ny faritra tamin’ny taom-panompoana lasa. Asao ny mpanatrika hilaza ny fomba nahafahany sy ny fianakaviany nampihatra ny hevi-dehibe. Asongadino ireto anjara tamin’ny fandaharana ireto: 1) “Fampisehoana Fatokisana An’i Jehovah.” Nahoana no tena ilaina ny mampiseho fatokisana an’i Jehovah amin’ny lafiny rehetra amin’ny fiainana? (wMG 1/6/03 p. 21 feh. 16) Ahoana no anampian’ny Tilikambo Fiambenana 15 Desambra sy Mifohaza! 8 Desambra, pejy 31, antsika? 2) “Halaviro ny Zava-poana eo Amin’ny Fiainana.” (Mpit. 2:4-8, 11) Inona avy no zava-poana tsy maintsy halavirintsika, ary ahoana no ahafahana manao izany? 3) “Halaviro ny Ratsy, ka Manaova ny Tsara.” Nahoana no tena ilaina ny manaraka ny fitsipik’i Jehovah? (Isaia 5:20) Inona no asa tsara tokony hataontsika? 4) “Aoka Isika Hatoky An’i Jehovah Hatrany.” Inona no hanampy antsika hiorina mafy na dia eo aza ny fisedrana sy ny fakam-panahy? Nahoana isika no mila mametraka ny zavatra sasany eo an-tanan’i Jehovah? 5) “Ho Mendrika ny Fanjakan’Andriamanitra ve Ianao?” (Kol. 1:10) Inona avy ireo ohatra ao amin’ny Baiboly mandrisika antsika handeha mendrika an’i Jehovah hatrany? 6) “Matokia ny Fampanantenan’i Jehovah.” Nahoana no hahakasika ny fiainantsika ny fanaovana izany?
Herinandron’ny 22 Septambra
10 min: Fampandrenesana eo an-toerana. Manaova fampisehoana roa, miorina amin’ny fanoloran-kevitra ao amin’ny pejy 4, mba hametrahana Ny Tilikambo Fiambenana 15 Septambra sy Mifohaza! 8 Septambra. Asio anti-panahy iray sy mpitory osa ara-batana mitory eny an-dalana.
15 min: Inona no Zava-bitantsika Tamin’ny Taon-dasa? Miresaka ny zava-misongadina ao amin’ny tatitry ny fiangonana tamin’ny taom-panompoana 2003 ny mpiandraikitra ny fanompoana. Derao ny fiangonana noho ireo zava-bita tsara. Milazà hevitra mifanentana avy tamin’ny tatitra farany nataon’ny mpiandraikitra ny faritra. Milazà tanjona iray na roa azo tratrarina amin’ny taona ho avy.
20 min: Eken’Andriamanitra ve ny Fivavahana Rehetra? Fiaraha-midinika amin’ny mpanatrika, miorina amin’ny boky Fanjohian-kevitra. Resaho ny fomba hanazavana amin’ny olona io hevitra io. (rs-MG p. 263) Asongadino ny vitsivitsy amin’ireo fomba ahafantarana ny fivavahana marina. (rs-MG p. 268-270) Manampy ny olona hifidy ny fivavahana eken’Andriamanitra ny fanompoana ataontsika.—Kol. 1:9, 10.
Herinandron’ny 29 Septambra
10 min: Fampandrenesana eo an-toerana. Ampahatsiahivo ny mpitory mba hamerina ny tatitra momba ny fanompoana Septambra. Lazao ny zavatra atolotra amin’ny Oktobra. Asio fampisehoana fohy ny amin’ny fomba hanombohana fampianarana Baiboly amin’ny bokikely Takina.
15 min: Zavatra ilaina eo an-toerana.
20 min: “Mitafia Fanetren-tena.”b Asaivo manazava ny fomba hampiharana ireo andinin-teny ny mpanatrika.
Herinandron’ny 6 Oktobra
15 min: Fampandrenesana eo an-toerana. Ataon’ny anti-panahy. Manao ezaka manokana mba hanombohana fampianarana Baiboly isika amin’ity volana ity. Jereo vetivety Ny Fanompoantsika Ilay Fanjakana Mey 2002, pejy 1, fehintsoratra 1. Raha tiana handroso ny olona dia boky tena mety aminy no tokony hiarahana mianatra amin’izy ireo. Tsara àry raha atomboka amin’ny bokikely Takina ny fianarany, ary tohizina amin’ny bokikely Lalana Mankany Amin’ny Fiainana, ary avy eo faranana amin’ny boky Mivavaha Amin’ilay Hany Andriamanitra Marina. Ireo boky telo ireo no tena mandaitra indrindra eny amin’ny faritanintsika. Raha tsy mahay mamaky teny tsara ilay olona, dia tsara raha mianatra ny bokikely Fiainana eto An-tany aloha, ary avy eo ny bokikely Sakaizan’Andriamanitra. Ampirisihinay ny mpiandraikitra ny fianarana boky rehetra mba hanampy ny mpitory hitarika fampianarana Baiboly mandroso, amin’ny fampiasana ireo boky etsy ambony.
10 min: “Ataovy Azo Antoka fa Mametraka Ireo Zava-dehibe Indrindra eo Amin’ny Toerana Voalohany Ianao!” Lahateny sy fiaraha-midinika amin’ny mpanatrika, miorina amin’ny lahatsoratra, ao amin’ny Tilikambo Fiambenana 1 Septambra 1998, pejy 19-21. Lazao ny datin’ireo fisehoan-javatra lehibe hatao amin’ireo volana maromaro manaraka, ary ampirisiho ny rehetra hanamarika ireny daty ireny ao amin’ny kalandrieny. Asao ny mpanatrika hilaza izay ataony mba tsy ho diso anjara amin’ireo fandaharana ara-panahy.
20 min: Tohero ny Fitaoman’ny Namana. Manadinadìna anti-panahy na mpanampy amin’ny fanompoana izay notezaina tao amin’ny fahamarinana. Miresaha hevitra voafantina avy ao amin’ny Tilikambo Fiambenana 15 Febroary 2003. Inona no fanerena natrehin’ilay rahalahy tany an-tsekoly? (p. 24 feh. 3; p. 25 feh. 4, 5) Niatrika fitaoman-dratsy avy tamin’ny hafa ve izy? (p. 26 feh. 4-6) Mbola miatrika fitaoman-dratsy ihany ve izy, na dia efa lehibe aza? Inona no nanampy azy hanohitra izany? Farano amin’ny lahateny fohy miorina amin’ny Tilikambo Fiambenana 1 Aogositra 1999, pejy 24, 25. Asongadino fa mahasoa ny manana namana tsara.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
b Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.