Ataovy Tanjona ny Hitarika Fampianarana Baiboly
1 “Atopazy ny masonareo ka jereo ny saha, fa efa masaka hojinjaina ny vokatra.” (Jaona 4:35) Tena azo ampiharina amin’ny toe-javatra misy ny mpitory ankehitriny ireo tenin’i Jesosy Kristy ireo.
2 Mbola misy olona tso-po maniry hianatra ny lalan’i Jehovah. Manamarina izany ny isan’ny mpianatra vaovao atao batisa isan-taona. Inona no tokony hataonao, raha tena maniry hitarika fampianarana Baiboly ianao?
3 Manàna tanjona: Ataovy tanjona aloha ny hanomboka sy hitarika fampianarana Baiboly tsy tapaka. Tadidio foana io tanjonao io, rehefa mitory ianao. Nirahina hitory sy hampianatra isika, ka samy tokony hiezaka handray anjara bebe kokoa eo amin’ny asa fampianarana.—Matio 24:14; 28:19, 20.
4 Zavatra hafa tokony hotadidina: Tsy maintsy mivavaka avy amin’ny fo ny mpitory. Indraindray isika dia sendra olona izay nivavaka, mba hisy hampianatra Baiboly azy. Ho sambatra isika raha ampiasain’i Jehovah, mba hahita olona toy izany, ary hampianatra azy ireny!—Hagay 2:7; Asa. 10:1, 2.
5 Nivavaka ny anabavy iray mba hahazo mpianatra. Nitondra maromaro tamin’ilay taratasy mivalona Tianao ve ny Hahafantatra Tsara ny Baiboly? tany am-piasana àry izy. Naka tamin’izy io ny vehivavy iray, dia namaky ary nameno an’ilay tapakila. Niresaka taminy ilay anabavy, ka afaka nanomboka fampianarana Baiboly.
6 Afaka manampy anao hanatratra ny tanjonao, ny mpitory mahay manomboka sy mitarika fampianarana Baiboly. Mivavaha koa mba hahomby ny ezaka ataonao, ary hararaoty izay fanampiana rehetra misy. Tsy ho ela angamba ianao dia ho faly hitarika fampianarana Baiboly.