Avy Amin’ny Mpamaky

Ny Troubadours Famakafakana amim-pahakingana ny anjara asan’ireny poety mpihira tamin’ny Moyen Âge ireny ilay lahatsoratra hoe “Ny Troubadours — Tsy Mpihira Hiram-pitiavana Fotsiny” (8 Febroary 1998). Mpampianatra literatiora aho, ary efa nianatra momba ireo troubadours portogey. Nanampy ahy hahatakatra ny zavatra rehetra manodidina an’io fihetsiketsehana artistika io ilay lahatsoratrareo. Manosika ny olona hino izay voalazan’ny gazetinareo ny lahatsoratra toy io.

R. N. A., Brezila

Miaiky aho fa nitaky ezaka ny nanombohako namaky io lahatsoratra io. Raha vantany vao nanomboka anefa aho, dia nahaliana ahy avy hatrany ilay izy. Singaniko manokana ny fifaliako nahafantatra hoe iza no angamba voalohany nanao ilay fomba amam-panao hoe “ny vehivavy aloha”. Tsy anisan’ny fomba amam-panaon’ny Japoney izy io. Noho ny vadiko notezaina tao amin’ny fivavahan’ny Vavolombelon’i Jehovah hatramin’ny fahakeliny anefa, dia efa nanaraka foana izany fomba amam-panao izany izy hatramin’ny fotoana nifamofoanay. (Efa dimy taona izao no nivadianay.) Tena faly be aho.

Y. N., Japon