Avy Amin’ny Mpamaky

Zatovolahy efa Niteraka Manoratra ity aho mba hanehoako ny fankasitrahako lalina noho ilay lahatsoratra hoe “Manontany ny Tanora Hoe... Manan-janaka Nefa ny Tena Tsy Manambady — Mahatonga ho Tena Lehilahy ve Izany?” (8 May 2000). Valo amby roapolo taona aho, mpitovo, ary mpisava lalana manokana, na mpitory manontolo andro. Atỳ aminay, atỳ Afrika Andrefana, dia heverina ho baribarianina sy malemy filahiana ny lehilahy amin’izao taonako izao kanefa tsy manambady na miaraka amim-behivavy. Matetika aho no esoina sy hamavoina noho izany. Nohatanjahin’ilay lahatsoratrareo anefa ny fahatapahan-kevitro hitoetra ho madio fitondran-tena.

A. E., Ghana

Mbola zatovo aho dia efa tsy virjiny intsony, ary nijangajanga tamin’izao ankizilahy rehetra izao. Nahatsapa tena ho naloto aho isaky ny avy nanao toy izany, ary matetika no nohararaotin’ny sasany. Nanjary ketraka àry aho. Nanampy ahy hanana fiainana madio i Jehovah, ary sambatra aho izao manana vady tsara. Tsara anefa ny namoahanareo lahatsoratra toy ireo mba hanampiana ny tovolahy hahatakatra fa izay ataony dia mety hitondra fahavoazana ho an’ny ankizivavy iray mandritra ny androm-piainany sisa.

F.A.S., Alemaina

Voatosika hisaotra anareo aho noho ny nampisehoanareo fa matoa misy ny vehivavy bevohoka tsy manambady, dia tompon’andraikitra ny rain-janany, na dia tsy tompon’andraikitra tanteraka aza izy! Maro loatra ny olona mino hoe satria ny vehivavy ihany no bevohoka, dia ny toe-batany mihitsy no mampiseho fa raharahan’ny vehivavy ilay izy, fa tsy tokony homen-tsiny amin’izany ny lehilahy. Manohiza manentana ny tovolahy hanaraka ny fomba itiavan’Andriamanitra hitondrana ny vehivavy.

J.M.O., Italia